اسلام آباد ۔ 6 فروری(اے پی پی) ترجمان دفتر خارجہ عائشہ فاروقی آکھیا جو اسلامی تعاون تنظیم (او آئی سی) ہمیش کشمیر کاز دی حامی رہی اے،او آئی سی مقبوضہ کشمیر اچ انسانی حقوق دی سنگین خلاف ورزیاں اتے کشمیر دے مسئلے دے پر امن حل بارے کئی قرارداداں منظور کیتن،امریکہ اتے طالبان وچال مذاکرات اچ پیشرفت دا جائزہ گھندے پیوں،ترک صدر شیڈول دے مطابق اگلے ہفتے پاکستان امسن،چین اچ کروناوائرس توں مثاتر چار پاکستانیاں دی صحت چنگی تھیندی ویندی اے۔خمیس کوں ہفتہ وار بریفنگ اچ انہاں آکھیا جو او آئی سی ہمیش کشمیر کاز دی حامی رہی اے،او آئی سی مقبوضہ کشمیر اچ انسانی حقوق دی سنگین خلاف ورزیاں اتے کشمیر دے مسئلے دے پر امن حل بارے کئی قرارداداں منظور کیتن۔ایں توں علاوہ گزریل سال ستمبر اچ یو این جنرل اسمبلی اجلاس دے موقع تے او آئی سی دا گروپ دا وزارتی سطح دا اجلاس تھیا اتے ہک رپورٹ جاری کیتی گئی جئیں اچ مقبوضہ کشمیر اچ انسانی حقوق دی خلاف ورزیاں دی مذمت کیتی گئی ۔انہاں آکھیا جو ترک صدر شیڈول دے مطابق اگلے ہفتے پاکستان امسن۔
ترجمان دفتر خارجہ عائشہ فاروقی دی ہفتہ وار بریفنگ
مضمون کا ماخذ : مصری ڈریمز ڈیلکس
متعلقہ مضامین
