اسلام آباد۔19دسمبر(اے پی پی)وفاقی وزیر اطلاعات ونشریات سینیٹر شبلی فراز آکھیے جو ہک پاسو تاں ملک دے بیرونی دشمن انڈین کرانیکلز نال پاکستان دے خلاف کوڑا پروپگنڈہ کھنݙاوݨ دا جرم کریندے پین اتے ٻئے پاسو پی ڈی ایم کوڑ مار تے عوام اچ مایوسی کھنݙیندی پئی اے، ݙوہاں دے کور دی تجارت رنگے ہتھ پکڑی ڳئی اے۔ ہک ٹویٹ اچ وفاقی وزیر سینٹر شبلی فراز آکھیے جو رات مناظرے اچ شاہد خاقان عباسی دی اوہا حالت ہئی جیڑھی ‘ہارڈ ٹاک’ اچ اسحاق ڈار دی تھئی ہئی، سچ دے اڳو انہاں دے ہتھ پیر سڄ ویندن، ندیم بابر (ن) لیگی کوڑ دے پرزے پرزے کر ݙتن، ہری ہوئی ٹیم دے ٹاپ کھلاڑی دی بے بسی اتے لاچاری ݙیکھݨ آلی ہئی۔ انہاں آکھیے جو مایوسی کھنݙاوݨ آلے عناصر مایوس اتے شرمسار راہسن۔ پاکستان عمران خان دی قیادت اچ ترقی و خوشحالی دی راہ تے تیزی نال اڳو تے ودھدا پئے۔
مضمون کا ماخذ : لاٹری کی قانونی حیثیت
