اسلام آباد ۔ 6مارچ (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو اساڈے چارے ہمسایہ ملکاں اچ کرونا وائرس دے کیسز موجود ہن‘وفاقی حکومت صوبائی حکومت نال رل تے قومی ایکشن پلان تے عملدرآمد یقینی بنڑیندی پئی اے ‘ وزیراعظم عمران خان دی قیادت اچ کابینہ دے ارکان تے پارلیمنٹرینز سارے رل تے کرونا وائرس نال نبڑنڑ کیتے پرعزم ہن ۔جمعے کوں ڈاکٹر ظفر مرزادی زیر صدارت بین الاقوامی اداریں دے نمائندیں دا اجلاس تھیا ۔اجلاس اچ وفاقی سیکرٹری ہیلتھ ڈاکٹر سید توقیر شاہ ‘ایگزیکٹو ڈائریکٹر قومی ادارہ صحت ‘عالمی ادارہ صحت دے نمائندہ برائے پاکستان ڈاکٹر پلیتھا ماہی پالا شرکت کیتی جڈاں جو اجلاس اچ 21 بین الاقوامی اداریں دے نمائندے وی شریک ہن ۔ ایں موقع تے ڈاکٹر ظفر مرزاکرونا وائرس نال نبڑنڑ کیتے انتظامات تے بریفنگ ڈتی ۔انہاں آکھیے جو اساڈے چارے ہسمایہ ملکاں اچ کورونا وائرس دے کیس موجود ہن ، عوام کوں تحفظ ڈیونڑ کیتے حکومت اپنڑے سارے وسائل استعمال کریندی پئی اے ۔ ڈاکٹر ظفر مرزا آکھیے جو پورے ملک اچ ڈی ایس آر یو دے نظام کوں سارے ضلعیں اچ ودھاونڑ دا فیصلہ کیتے پاکستان اچ حالی تئیں چھی کیس رپورٹ تھن ،انہاں آکھیے اساں ضروری اقدامات یقینی بنڑائے‘ عالمی اداریں دے نمائندیں پاکستان دے اقدامات تے انتظامات دی تعریف کیتی ۔
اساڈے چارے ہمسایہ ملکاں اچ کرونا وائرس دے کیس موجود ہن ‘وفاقی حکومت صوبائی حکومت نال رل تے قومی ایکشن پلان تے عملدرآمد یقینی بنڑیندی پئی اے ، ڈاکٹر ظفر مرزا دا اجلاس نال خطاب
مضمون کا ماخذ : نمبروں دا میگا سینا
متعلقہ مضامین
