اسلام آباد۔5نومبر(اے پی پی)وفاقی وزیر برائے غذائی تحفظ و تحقیق سیّد فخر امام آکھیے جو ترائے وݙیاں فصلاں دی ریکارڈ پیداوار تھئی، زرعی اجناس دی پیداوار اچ ریکارڈ ودھارا حکومت دی مؤثر زرعی پالیسی سانڳے اے، کݨک دی امدادی قیمت 1950 روپے فی مݨ رکھی ڳئی اے، کھاداں تے 15 ارب روپے دی سبسڈی ڈتی ویسی، کڄھ لوک ذخیرہ اندوزی کرتے مصنوعی قلت پیدا کرتے منافع خوری کریندے پین جیڑھی دنیا دی بدترین مثال اے، سندھ حکومت ݙو سالاں توں کݨک ریلیز نئیں کیتی جیندے نال اتھاں اٹا باقی صوبیاں توں مہانڳا اے، حکومت ݙو عالمی وبائیں دے باوجود زرعی شعبہ کوںت رقی ݙتی اے۔ اے ڳالھ انہاں وفاقی وزیر اطلاعات و نشریات چوہدری فواد حسین دے کٹھے پریس کانفرنس کریندے آکھی۔ انہاں آکھیا جو ذخیرہ اندوز اشیا دی ذخیرہ اندوزی کرتے عوام کوں نقصان پچیندے پین، کابینہ دی منظوری نال کاشتکاراں دے فیدے کیتے کݨک دی فی مݨ امدادی قیمت 1950 روپے رکھی گئی اے، حکومت زرعی شعبہ دی ترقی تے توجہ ڈیندی پئی اے، وزیراعظم عمران خان اتے انہاں دی ٹیم ملک کوں خودکفیل کرݨ دی کوشش کریندی پئی اے۔
ترائے وݙیاں فصلاں دی ریکارڈ پیداوار تھئی، زرعی اجناس دی پیداوار اچ ریکارڈ ودھارا حکومت دی مؤثر زرعی پالیسی سانڳے اے، وفاقی وزیر برائے غذائی تحفظ و تحقیق سیّد فخر امام
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
