اسلام آباد۔15اکتوبر(اے پی پی)وزیر مملکت اطلاعات ونشریات فرخ حبیب آکھیے جو نواز شریف حکومت 45 فیصد مہانگے بجلی گھر لا تے قومی جرم کیتے، اپݨیان فیکٹریاں لاوݨیاں ہوون تاں پھوک پھوک کے فیصلے کریندن بھل قومی منصوبیاں دی ڳالھ ہووے تاں دھک لاوݨ توں نئیں چکدے، ماضی دے غلط فیصلیاں پاروں 2030 تئیں ٹیک او پے دی مد اچ 3 ہزار ارب روپے ݙیوݨے پوندن۔ اے ڳالھ انہاں میݙیا نال الیندے آکھی۔ انہاں آکھیا جو کامیاب جوان پروگرام دے تحت نینگراں کوں روز گار اتے ہنر ݙیوݨ کیتے ہݨ تئیں 28 ارب روپے دے قرض ݙتن جیندے نال نینگراں کوں ساری حیاتی فیدہ پڄدا رہسی۔ وزیر مملکت فرخ حبیب آکھیے جو اڄوکی حکومت دے قطر نال 10.4 فیصد برینٹ تے معاہدے نال بچت تھئی اے۔
مضمون کا ماخذ : بڑا برا بھیڑیا۔
