لاہور۔4اکتوبر(اے پی پی)وزیراعلیٰ پنجاب سردار عثمان خان بزدار لاہور دے شہریاں کوں آرام دہ اتے جدید سفری سہولتاں ݙیوݨ کیتے لاہور میٹروبس سروس دیاں 64 نویاں ماحول دوست بساں دے فلیٹ دا افتتاح کر ݙتے۔ ایں سانڳے میٹرو بس ڈپو فیروز پور روڈ تے تقریب تھئی جیندے اچ بساں پنجاب ماس ٹرانزٹ اتھارٹی کوں ݙتیاں ڳین۔ وزیراعلی عثمان بزدار بس چلا تے وی ݙٹھی اتے بساں اچ جدید سہولتاں دی تعریف کیتی۔ انہاں آکھیا جو جدید ٹرانسپورٹ اتے سفری سہولتاں ݙیوݨ، ٹریفک ملسیاں توں کݙھݨ ترجیح اے۔ انہاں آکھیا جو تحریک انصاف دی حکومت شفافیت دی ریت ٹریندے ٻئے منصوبیاں آلی کار ایندے اچ وی سرکاری وسائل بچائن اتے اے معاہدہ پاکستانی کمپنی نال کر تے 2 ارب روپے بچائن۔ انہاں آکھیا جو ماحولیاتی آلودگی مکاوݨ کیتے لاہور اچ الیکٹرک بساں چلاوݨ دا منصوبہ وی شروع کریسوں۔
مضمون کا ماخذ : پاور بال انعامات
