اسلام آباد ۔ 5 جون (اے پی پی) صدر مملکت ڈاکٹر عارف علوی قوم کوں عیدالفطر دی مبارخ ڈیندے ہوئیں آکھیے جو اج دے ڈینھ اساکوں عہد کرنڑاں اے جو اساں سانجھی ، رواداری، احترام اتے خیر خواہی نال رہسوں تے محدود علاقائی، ذاتی اتے نسلی تعصبات توں بالاتر تھی تے ملک تے قوم دی ترقی تے خوشحالی کیتے کم کریسوں۔ عیدالفطر دے موقع تے اپنڑے پیغام اچ صدر مملکت آکھیے جو اج عید دے موقع تے پوری ملت اسالامیہ کوں پاکستانی قوم کوں مبارخ ڈینداں۔ انہاں آکھیا عید دا تہواراسلامی تہذیب تے ثقافت اتے دینی تے ملی روایات دی علامت اے ،اے ڈینھ ایثار، ہمدردی، تقویٰ تے پرہیز گاری، خدمت خلق اتے احترام انسانیت دا پیغام ڈیندے۔انہاں آکھیا عید ہک مہینے دی تربیت دی تکمیل دا ڈینھ وی اے جیرھا جو رمضان شریف دے دوران مسلماناں کوں حاصل تھیندی اے ۔
مضمون کا ماخذ : غالب افریقہ
