اسلام آباد 19 جولائي (اے پي پي) د موسمياتو څانګې وئيلي دي چې د هېواد په بېلا بېلو برخو كښې د بارانونو دا لړۍ به څو ورځې دغسې روانه وي چې له امله يۍ په كوزو سيمو كښې د سېلاب راتللو او د خاورو كمرو لوېدلو اندېښنه ده۔ د شورو په ورځ د نېشنل اېمرجنسي آپرېشنز سنټر( اېن اي او سي) په غونډه كښې د موسمياتو څانګې چارواكو د 19 نه تر 24م جولائي د هېواد په بېلا بېلو برخو كښې د بارانونو په اړه تفصيلي بريفنګ وركړو۔ د غونډې مشري د اېن ډي اېم اے غړي وكړه او د پاكستان د وسله والو ځواكونو٬ د موسمياتو څانګې، د فلډ فورکاسټنګ ډويژن (پي اېم ډي)، صوبائي ډيزاسټر منيجمنټ اتھارټيز، جي بي ډي اېم اے، اېس ډي اېم اے، ډيم اتھارټيز، د اوبه خور صوبائي څانګې٬ د اسلام آباد اېډمنسټرېشن، سپارکو او د رېسکيو 1122 پشمول نورو اړوند څانګو هم په غونډه كښې ګډون كړې۔ په غونډه كښې د ټولو څانګو لخوا د بارانونو د اوسنۍ لړۍ په مهال په بېلا بېلو سيمو كښې د دې د ممكنه اثراتو او رېسكيو تيارو پحقله بريفنګ وركړې شو۔ د ډېم اتھارټيز ووئيل په منګلا، تربېلا او سملي ډېم كښې اوبه في الحال نارمل دي٬ د جي بي ډي اېم اے او د اېسں ډي اېم اے نمائندګانو ووئيل د بارانونو په مهال ټولې لارې كليئر كولو لپاره مشينري او عمله بېلا بېلو سيمو كښې موجود ده او د اېمرجنسي صورتحال مخنيوي لپاره چمتو دي۔
د بارانونو دا لړۍ به تر څو ورځو روانه وي د موسمياتو څانګې په اېن اي او سي غونډه كښې بريفنګ
مضمون کا ماخذ : لاٹری کے سستے ٹکٹ
متعلقہ مضامین
