لاہور ۔ 18 ستمبر (اے پی پی) پنجاب بار کونسل ممبران دے الیکشن مہم دی گہما گہمی شروع تھی گئی اے۔ وکلا دے ڈو وڈے گروپ حامد خان گروپ اتے عاصمہ جہانگیر گروپ حسب روایت آمنڑے سامنڑے ہن ۔ 5سال بعد تھیونڑ آلے پنجاب بار کونسل دے75 ارکان دیاں سیٹاں کیتے انتخابی امیدواراں دیاں سرگرمیاں زور وٹھی گئن ۔ بار کونسل دیاں کل75 نشستاں اچ لاہور ڈویژن دیاں 20 سیٹاں کیتے 150توں ودھ امیدوار میدان وچ آگئن ، پنجاب بارکونسل دیاں لاہور کیتے 16 ، شیخوپورہ اتے ننکانہ ککیتے ہک ہک اتے قصور کیتے ڈو سیٹاں مختص ہن ۔ 28 نومبروچ تھیونڑ آلے پنجاب بار کونسل دے الیکشن اچ موجودہ ممبران دی اکثریت امیدواراں اچ شامل اے ۔انہاں امیدواراں اچ چیئرمین ایگزیکٹو کمیٹی پنجاب بار کونسل جمیل اصغر بھٹی، منیر حسین بھٹی، خواجہ عبدالستار کاشر، چوہدری عرفان صادق تارڑ، بشریٰ قمر، میاں احمد سعید، قمر شاہد میو، عالمگیرخان، رانامحمدآصف، رائے سرفرازانور خان، مظہر محمود بھٹی، چوہدری توقیر صادق، نرگس ناہید، میاں محمد وسیم، ذبیع اللہ ناگرہ، عبدالصمد بسریا، نعیم حسن وٹو، انیلہ اقبال بھٹی، رانا ذوالفقار علی، راشدہ لودھی، رائے نواز کھرل اتے رانا ضمیرچھڈو سودھے بئے امیدوار شامل ہن ۔ لاہور ہائیکورٹ اتے پنجاب بار کونسل دے نیڑے سڑکاں تے امیدواراں دے پوسٹرز سج گئن ۔امیدواراں دی اکثریت عدالتاں اتے وکلاءووٹرز دے چیمبرز اچ ڈور ٹو ڈور رابطیں اچ مصروف ہن ، امیدواراں ٹیلی فون رابطے تے سوشل میڈیا دے ذریعے وی الیکشن مہم شروع کرڈتی اے ۔
پنجاب بار کونسل الیکشن مہم دا آغاز، حامد خان و عاصمہ جہانگیر گروپ آمنڑے سامنڑے
مضمون کا ماخذ : سپر اسپنر
متعلقہ مضامین
