اسلام آباد ۔ 15 اگست (اے پی پی) نیشنل کمانڈ اینڈآپریشن سنٹر (این سی او سی) کورونا وائرس دے حوالے نال تازہ ترین اعداد وشمار جاری کر ڈتن۔ ہفتے کوں این سی او سی توں جاری اعداد شمار موجب گزریل 24 گھنٹے وچ کورونا دے 747 مریضاں دے ٹیسٹ مثبت آئے جڈاں جو گزریل 24 گھنٹے اچ 9 لوک ملک دے ہسپتالاں اچ وائرس پاروں جاں بحق تھئن ۔گزریل 24گھنٹے وچ 23 ہزار 722 کورونا دے ٹیسٹ کیتے گئن جیں اچوں سندھ اچ 9 ہزار383، پنجاب اچ 7 ہزار 867، خیبرپختونخوا اچ 2 ہزار 128، اسلام آباد اچ 2 ہزار 620، بلوچستان اچ 1 ہزار 238،گلگت بلتستان اچ 156،آزاد کشمیراچ 330 ٹیسٹ کیتے گئن ۔ ہنڑ تئیں پورے ملک اچ کورونا وائرس پاروں صحت یاب تھیونڑ آلیں دی تعداد ڈو لکھ 65ہزار 624 تھی گئی اے ۔آزاد کشمیر اتے بلوچستان اچ کوئی وی کورونا دا مریض ایں ویلھے وینٹیلیٹرز تے کائنی جڈاں جو ملک اچ کورونا کیتے مختص شدہ 1 ہزار 920 وینٹیلیٹرز تے 149 کورونا دے مریض ہن ۔ایں ویلھے ملک اچ گزریل 24گھنٹے دے دوران کورونا دے ایکٹو کیسسز دی تعداد 16 ہزار 261 اے۔
گزریل 24گھنٹے وچ 747مریضاں دے کورونا ٹیسٹ مثبت ،9 بندے وائرس پاروں جاں بحق،نیشنل کمانڈ اینڈآپریشن سنٹر
مضمون کا ماخذ : sorteos dupla sena
متعلقہ مضامین
