اسلام آباد ۔ 31 جنوری (اے پی پی) وزیرمملکت موسمیاتی تبدیلی زرتاج گل آکھیے جو قبائلیاں دا معاشی استحکام حکومت دی ترجیح اچ شامل اے ، ن لیگی مٹھائیاں ونڈنڑ اچ ہر واری جلدی کریندن ، ٹرانسپیرنسی انٹرنیشنل دی وضاحت نال اساڈے خلاف پراپیگنڈا کرنڑ آلے چپ تھی گن ،اپنڑے حلقے دے عوام دے مسئلیں دا چنگی طرح پتہ اے ، وزارت موسمیاتی تبدیلی گرین گرین انٹرپرینیورشپ پروگرام شروع کیتے جیں دے ذریعے ہزاراں تریمتیں تے ہیجڑیں کوں تربیت ڈتی ویسی تاں جو او ماحول دوست شاپنگ بیگز بنڑا تے اپنڑی آمدنڑ ودھا سگن ۔”اے پی پی نال گال مہاڑ کریندے ہوئیں زرتاج گل آکھیے جو قبائلی علاقیں کوں قومی دھارے اچ شامل کرنڑ کیتے ایجھے اقدامات ستر سال تئیں کہیں حکومت کائنی کیتے ،اج تحریک انصاف دی حکومت دی بدولت اے پاکستان دے پہلے علاقے ہن جتھاں ہر خاندان کوں صحت دیاں بہوںسہولتاں ڈتیاں گن ۔ زرتاج گل آکھیے جو اپنڑے حلقے این اے 191دے عوام دے مسلیں دا چنگی طرح پتہ اے ۔ایں اوکھے وقت اچ اپنڑے خصوصی فنڈ توں 23 وستیاں کوں بجلی ڈیندی پئی آں ا نشاءاللہ اپنڑے فیز ٹو دے فنڈ توں مزید 50 توں 60 وستیاں دی بجلی ڈیونڑ یقینی بنڑیساں ۔
مہانگ تے قابو پاونڑ کیتے ہنگامی بنیاداں تے اقدامات کریندے پیوں ،ٹرانسپیرسی انٹرنیشنل دی وضاحت نال ساڈے خلاف پراپیگنڈا کرنڑ آلے چپ تھی گن ، وزیر مملکت موسمیاتی تبدیلی زرتاج گل
مضمون کا ماخذ : raspadinha acumulada
متعلقہ مضامین
