اسلام آباد ۔ 29 جولائی (اے پی پی)پاکستان سینئر بھارتی سفارتکار کوں سڈ تے سیز فائر معاہدے دی خلاف ورزی کرنڑ تے شدید احتجاج کیتے جو28 جولائی کوں بھارتی فوج دی فائرنگ نال 3 معصوم شہری زخمی تھئے ہن اتے جانڑ بجھ تے شہری آبادی کوں چٹیا گئے۔دفتر خارجہ آکھیے جوبھارتی فائرنگ نال ذخمیاں اچ فریدہ بی بی، عالم بی بی اتے سفیر شامل ہین،شہری آبادی کوں نشانہ بنڑاونڑ انسانی حقوق اتے عالمی قوانین دی خلاف ورزی اے،بھارتی فوج معصوم شہریاں کوں بھاری توپ خانے اتے خود کار اسلحے نال نشانہ بنڑیندی پئی اے،ایں سال بھارت 1823واری خلاف ورزیاں کیتن،بھارتی فوج دی بلا اشتعال فائرنگ نال 14 شہری شہید اتے 138 زخمی تھی چکین۔
مضمون کا ماخذ : میگا ملینز
