اسلام آباد۔2جنوری(اے پی پی) صدر مملكت ډاكټر عارف علوي په بېلو پیښو كښې د پاك پوځ د شهيد شويو ځوانانو كورنيو سره ټېلېفوني تماس ونيولو او دوئي سره يۍ غمرازي ښكاره كړه۔ ده ووئيل هېواد د ترهګرۍ لعنت څخه پاكولو له د شهيدانو وركړې قربانۍ به چرې بې ځايه لاړې نه شي۔ د ګل په ورځ د ايوان صدر پرېس ونګ لمخې صدر مملكت په بېلو پېښو كښې د پاك پوځ د شهيد شويو ځوانانو كورنيو سره د ټېلېفوني تماس د لارې غمرازي ښكاره كړه۔ صدر په 31 دسمبر په جاني خېل بنوں كښې د شهيد شوي سپاهي محمد وسيم پلار سره غمرازي وكړه۔ د شهيد پلار صدر مملكت ته ووئيل چې زما درې زامن په پاك پوځ دي او هغوي هم قربانۍ وركولو له چمتو دي۔ صدر ډاكټر عارف علوي هېواد لپاره د شهيد قرباني او دده د پلار جذبه وستائله۔ صدر مملکت په 29 دسمبر کرم ایجنسی كښې د شهيد شوي صوبېدار شجاع محمد ورور بھائی محمد اشرف سره ټېلېفوني خبرې وكړې۔ صدر سره خپلو خبرو كښې محمد اشرف ووئيل مور مې په خپل شهيد ځوي وياړ لري او مونږ هم هېواد لپاره ځان قربانولو له چمتو يؤ۔ دغسې صدر د سپاهی عبدالرحمٰن ورور ګوھر یاسین سره هم ټېلېفوني تماس ونيولو۔ د شهيد ورور صدر سره خبرو كښې ووئيل مونږ ټول په پاكستان قربان ٬ كه مونږ لس ورونړا هم وو نو مونږ ټول به شهادت له چمتو وو۔ صدر مملکت د نائيك محمد رمضان تره سره ټېلېفوني خبرې وكړې او د شهيد لوړو درجو له يۍ دعا وكړه۔ صدر ډاكټر عارف علوي ووئيل هېواد ترهګرۍ څخه پاكولو له د شهيدانو قربانۍ به بې ځايه نه ځي۔ ده شهيدانو ته د عقيدت پېرزوئنې وړاندې كړې او غمجنيو كورنيو سره يۍ خواخوږي ښكاره كړه۔
د صدر مملكت ډاكټر عارف علوي په بېلو پېښو كښی د پاك پوځ د شهيد شويو ځوانانو كورنيو سره ټېلېفوني تماس٬ غمرازي ٬ د صبر او زغم دعا
مضمون کا ماخذ : ریل رش
متعلقہ مضامین
.jpg)
