اسلام آباد ۔ 18 جون (اے پی پی) وزیر مملکت موسمیاتی تبدیلی زرتاج گل آکھیے جو قدرتی آفتاں نال پاکستان سمیت پوری دنیا دی آبادی متاثر تھیندی پئی اے ،14اگست توں اسلام آباد اچ پلاسٹک بیگز تے پابندی لاڈتی ویسی، وزیر اعظم عمران خان موسمیاتی تبدیلی تے بہوں توجہ کریندے پن کیوں جو ہک وژنری لیڈر ہن جیرھے ملک کوں درپیش موسمیاتی تبدیلی دے اثرات دا انہاں کوں سارا پتہ اے ۔اے گال انہاں منگل کوں موسمیاتی تبدیلیاں دے حوالے نال منعقدہ ہک تقریب نال خطاب کریندے ہوئیں آکھی اے انہاں آکھیے جو پاکستان قدرتی آفتاں توں متاثر تھیونڑ آلا ستواں ملک اے ۔ زرتاج گل آکھیا جو موسمیاتی تبدیلی پاروں پاکستان کوں سیلاب ،پانڑیں دی قلت ،درجہ حرارت اچ ودھارے سمیت بئی قدرتی آفات دا سامنڑاں اے ۔انہاں آکھیا پاکستان تحریک انصاف دی حکومت قدرتی آفتاں نال نبڑنڑ کیتے بلین ٹری سونامی منصوبے سمیت اہم منصوبے شروع کر رکھین ،ایندے علاوہ حکومت کلین اینڈ گرین مہم دا آغاز وی کرڈتے ۔ انہاں آکھیا14اگست توں اسلام آباد اچ پلاسٹک بیگز تے پابندی لاڈتی ویسی تے اسلام آباد دنیا دا پہلا شہر ہوسی جتھاں پلاسٹک بیگز 14 اگست توں پورے طور تے ختم کرڈتے ویسن ۔
قدرتی آفتاں نال پاکستان سمیت پوری دنیا دی آبادی متاثر تھیندی پئی اے ، وزیر مملکت موسمیاتی تبدیلی زرتاج گل
مضمون کا ماخذ : میگا ملینز کے فاتحین
متعلقہ مضامین
