اسلام آباد ۔ 6 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو ترائے دہائیاں تئیں قوم تے مسلط رہنڑ آلے اج اپنڑی ناکامی قبول کریندے پن ‘ سابق وزیراعظم شاہد خاقان عباسی دا بیان اعتراف جرم اے‘ پاکستان دے عوام ڈو خانداناں دے موروثی وسیاسی ماڈل توں بیزار ہن ، عوام عمران خان کوں وزیراعظم منتخب کرتے نواں رستہ گول گھدے ۔اے گال انہاں جمعے کوں سابق وزیر اعظم شاہد خاقان عباسی دے بیان دے بعد جاری اپنڑے ہک ٹویٹ اچ آکھی اے جیں اچ انہاں آکھیا ہئی جو ”ماضی دے ماڈل ملکی مسئلے حل نہ کرسگیے نویں رستے گولنڑ دی ضرورت اے “۔ ڈاکٹر فردوس عاشق اعوان آکھیا جو شاہد خاقان عباسی دا اے بیان دراصل اعتراف جرم اے۔ انہاں آکھیا جو ترائے دہائیاں توں قوم تے مسلط رہنڑ آلے اج قوم دے سامنڑے اپنڑی ناکامی قبول کریندے پن ۔ وزیراعظم دی معاون خصوصی اطلاعات و نشریات آکھیے جو پاکستان دے عوام عمران خان کوں وزیراعظم منتخب کرتے نواں رستہ گول گھدے ، پاکستان دے عوام ڈو خانداناں دے موروثی سیاسی ماڈل توں بیزار ہن، عوام دی دہائی اے جوہنڑ انہاں تے ولا مسلط نہ تھیون ۔انہاں آکھیے جو اج جمہوریت دیاں گالھیں کرنڑ آلے اپنڑے دور اچ آئینی ترمیم کرتے بادشاہ سلامت بنڑنڑ دی کوشش کریندے رہیے ۔ ڈاکٹر فردوس عاشق اعوان آکھیے جو ”کمپنی سیاست“ اچ سارے شیئرز خاندان ڈے ہی رہندن، انہاں دی جمہوریت اے ہئی جو وڈا بھرا خود وزیراعظم، چھوٹا وزیراعلی، بھتریجا سایں توں وڈے سوبے دا مختاراعلی بنڑیا رہیے جڈاں جو صاحبزادی ”سوپر وزیراعظم“ دا درجہ رکھیندی ہئی ‘ عمران خان عوام دے او قبول رہنما ہن جنھاں حقیقی عوامی راج قائم کیتے ،انہاں آکھیے جو وزیراعظم کل کراچی ویسن جتھاں او عوامی منصوبیں دا افتتاح کریصن تے کراچی دے مسلیں دے حل کیتے طے کیتی گئی ترجیحات دا جائزہ گھنسن ۔
ترائے دہائیاں تئیں قوم تے مسلط رہنڑ آلے اج اپنڑی ناکامی قبول کریندے پن ،سابق وزیراعظم شاہد خاقان عباسی دا بیان اعتراف جرم اے ، ڈاکٹر فردوس عاشق اعوان
مضمون کا ماخذ : میگا سینا پریمیو
متعلقہ مضامین
