اسلام آباد ۔ 18 اپریل (اے پی پی) صدر مملکت ڈاکٹر عارف علوی دی زیر صدارت علماءکرام اتے مشائخ دا ہک اجلاس تھئے جیندے اچ کرونا پاروں رمضان المبارک اچ نماز تراویح اتے نماز جمعہ بارے 20 نکاتی متفقہ اعلامیہ جاری کیتا گئے۔صدر مملکت رمضان المبارک اچ نماز تروایح اتے نماز جمعہ بارے آزاد جموں و کشمیر ،گلگت بلتستان اتے چارے صوبیاں دے وزراءاعلیٰ ،گورنرز ،علماءکرام اتے سیاسی شخصیات نال تفصیلی مشاورت کیتی ۔انہاںچارے صوبائی حکومتاں توں تحریری سفارشات منگیاں ہن اتے عالمی ادارہ صحت دی سفارشات،کرونا پاروں ملکی صورتحال سامنڑے رکھی جیندے بعد متفقہ اعلامیہ جاری کیتا گئے جیندے مطابق مسیتاں یا امام بارگاہیں اچ قالین یا دریاں نہ وچھایاں ویسن،کچا فرش ہووے تاں تڈی وچھائی ویسی،لوک اپنڑی جائے نماز گھن آون تاں ہرج کائنی،نماز توں اگو اتے پچھیں رش نہ کیتا ونجے،صحن اچ نماز پڑھائی ونجے جڈاں جو بڈھڑے، بال،کھنگ نزلہ زکام یا بخار دے مریض مسیت نہ آون،مسیتاں یا امام بارگاہ دا فرش کلورین نال دھوتا ونجے،صف بندی ویلھے نمازی دا فاصلہ 6 فٹ ہووے جیندے کیتے نقشہ وی جاری کیتا گئے اتے احتیاطی تدبیراں کیتے مسیت انتظامیہ کمیٹی بنڑاوے،ایں سانگے وضو وی گھرو کیتا ونجے،ماسک پاتا ونجے، کہیں نال ہتھ ملیجے نہ ہی گلکڑی پویجے ضرورت ہووے تاں گھر اچ ہی اعتکاف کیتا ونجے۔مسیتاں اتے امام بارگاہ اچ سحر و افطار دا اہتمام نہ کیتا ونجے۔مساجد اتے امام بارگاہ انتظامیہ، آئمہ اتے خطیب ضلعی وصوبائی حکومتاں اتے پولیس نال رابطہ و تعاون رکھین -جیکر مسیتاں اتے امام بارگاہیں احتیطاں تے عمل نہ کیتا تاں ایں پالیسی تے نظر ثانہ کیتی ویسی۔
صدر مملکت ڈاکٹر عارف علوی دی زیر صدارت علماءکرام اتے مشائخ دا اجلاس،کرونا پاروں رمضان المبارک اچ نماز تراویح اتے نماز جمعہ کیتے 20 نکاتی متفقہ اعلامیہ جاری
مضمون کا ماخذ : ایشیا ڈریگن
متعلقہ مضامین
