لاہور۔27 جولائی(اے پی پی )وزیراعلیٰ پنجاب سردار عثمان بزدار ہیڈ بلوکی دا دورہ کیتے جتھاں انہاں ہید دی بحالی و اپ گریڈیشن سودھا پانڑی دی آمد و اخراج دی صورتحال دا جائزہ گھدا۔انہاں ہیڈ بلوکی بیراج تے سیلاب دی صورتحال ڈیکھنر کیتے فضائی معائنہ وی کیتا۔ انہاں آکھیا جو پنجاب حکومت سیلاب دے ممکنہ خدشے پاروں متعلقہ اداراں کوں الرٹ کرڈتے، ہیڈ بلوکی سودھے بئے بیراجاں، دریاواں اتے نہراں دے پشتے پکے اتے تکڑے کرنڑ دی ہدایت کیتی ہوئی اے جو پانڑی دی صورتحال تے 24 گھنٹے نظر رکھی ونجے۔انہاں دریاواں دے رستے بدلنڑ نال زمین دریا برد تھیونڑ دے نقصاناں دا اندازہ لاونر دی وی ہدایت کیتی جو جھنگ، مظفرگڑھ، رحیم یار خان، لیہ اتے ڈیرہ غازی خان اچ اراضی کوں اگو تے دریا بردتھیونر تون بچاونڑ کیتے موثر حکمت عملی اتے پلاننگ کیتی ونجے۔ایں موقع تے سیکرٹری آبپاشی،وزیر مملکت زرتاج گل، چیئرپرسن ویمن پروٹیکشن اتھارٹی پنجاب کنیز فاطمہ، سیکرٹری آبپاشی، ڈی جی پراونشل ڈیزانسٹر مینجمنٹ اتھارٹی، کمشنر لاہور ڈویژن اتے متعلقہ حکام وی موجود ہن۔
وزیراعلیٰ پنجاب دا ہیڈ بلوکی دا دورہ،بیراج دی بحالی ، اپ گریڈیشن اتے پانڑی دی صورتحال دا جائزہ گھدا
مضمون کا ماخذ : لاہور لاٹری
متعلقہ مضامین
