اسلام آباد 12جولائي (اے پي پي)د خزانې لپاره د قامي اسمبلۍ قائمه كمېټۍ ته وئيلي شوي په كال 2023 كښې 52 لكهه كسانو ټيكس ريټرن جمع كړي ، د ريټرن نه جمع كوونكو موبائل سمز بلاك كړې شوي چې پكښې 86 زره كسانو ريټرن جمع كړي، د تير مالي كال ايډوانس ټيكس په لړ كښې 1462 اربه روبۍ ټيكس راجمع شوے ؤ ۔ د خزانې وزير سينيټر محمد اورنګزيب ووئيل آئي اېم اېف سره د نوي قرض پروګرام حجم په اړه حتمي پريكړه به راروانه اونۍ كښې كولې شي، پاكستان د آئي اېم اېف ټول شرائط پوره كري۔ د قامي اسمبلۍ د خزانې قائمه كمېټۍ غونډه د چيئرمېن سيد نويد قمر په مشرۍ كښې وشوه ۔ په غونډه كښې د خزانې وفاقي وزير سينيټر محمد اورنګزيب،د خزانې وزيرمملكت علي پرويز ملك، د خزانې سيكرټري امدادالله بوسال، د كمېټۍ غړو او اړوندو ادارو نمائندګانو ګډون وكړو۔ د اېف بي آر چيئرمېن ملك امجدزيبرټوانه كمېټۍ ته ووئيل د تير مالي كال په مهال ټيكسونو كښې 37.2 فيصده اضافه شوې او دغسې د ډوميسټك ټيكس په لړ كښې 6 زره 132 اربه روبۍ راجمعې شوې وې۔ده ووئيل د تير مالي كال په مها د ټيكسونو نمو 17.9 فيصده وه ، درآمدات څخه د تير كال په مهال 3 زره 179 اربه روبۍ ټيكس راجمع شوې،دې نه علاوه د انكم ټيكس په لړ كښې 4 زره 150 اربه روبۍ راجمع شوې وې۔د اېف بي آر چيئرمېن ووئيل د 293 اربه روپو انكم ټيكس اقدامات عدالتونو كښې چيلنج شوي ،دغسې 163 اربه روپۍ د ټيكس چارې اوس هم په عدالتونو كښې د اورېدو لاندې دي، دې نه علاوه د تير مالي كال ايډوانس ټيكس په لړ كښې 1462 اربه روپۍ ټيكس راجمع شوے۔ د اېف بي آر چيئرمېن ووئيل 18 لكهه داسې كسان په ګوته شوي كومو چې په تيرو درېو كلونو كښې ريټرن نه دې جمع كړي ، د ريټرن نه جمع كوونكو موبائل سمز بلاك كړی شوي،دې نه علاوه 86 زره كسانو ريټرن جمع كړي د كومو چې سمز بلاك شوې وؤ۔د غوندې نه پس د خبريالانو سره غير رسمي خبرو كښې د خزانې وزير ووئيل د آئي اېم اېف قرض پروګرام حجم 6 اربه ډالره څخه زيات دے ، په دې اړه حتمي پريكړه به راروانه اونۍ كښې كېږي۔ده ووئيل پاكستان د آئي اېم اېف ټول شرطونه پوره كړي او امكان دے چې د روانې مياشت په مهال به د سټاف په سطح لوظنامه اوشي۔ د خزانې وزير ووئيل صوبو د زرعي انكم ټيكس شرح په زياتولو كښې خوښې څرګنده كړې ، آئي اېم اېف په اصل آمدن ټيكس غواړې كومه چې سمه خبره ده۔ده ووئيل حكومت په ټولو څانګو كښې فشار سره مخ دے، هر يو كس غواړې چې ټيكس ونه لګولې شي۔د خزانې وزير ووئيل نوېوملازمانو له به رضاكارانه پنشن سكيم وركولې شي د 01 جولائي 2024 څخه بھرتي شوو سركاري ملازمانو پنشن به اوس كنټريبوټري وي، د وفاقي حكومت سائز به هم كمولې شي، په حكومتي خرڅونو كښې كمي لپاره 5 وزاتونه به ختمولې شي ، اګست تر اول به سفارشات جوړ كړے شي۔د خزانې وزير ووئيل د آئي اېم اېف پروګرام په وجه نورو ادارو څخه د فنډز ترلاسه كيدل پيل شوي دي۔
2023 كښې 52 لكهه كسانو ټيكس ريټرن جمع كړے، د ريټرن نه جمع كوونكو موبائل سمز بلاك كړے شوي چې پكښې 86 زره كسانو ريټرن جمع كړې دي۔ د خزانې لپاره د قامي اسمبلۍ قائمه كمېټۍ ته بريفنګ
مضمون کا ماخذ : لوٹیریا علاقائی
متعلقہ مضامین
