اسلام آباد۔5اکتوبر (اے پی پی) وفاقی وزیرداخلہ اعجاز احمد شاہ اپوزیشن دی تحریک کوں ریاست مخالف قرار ڈیندے ہوئیں آکھیے جو پورے ملک اچ جمہوریت دے ناں تے ملک دشمن ریلیاں کڈھنڑ دی اجازت نی ڈتی ونج سگدی ، کوئی وی جمہوری روایت ایں گال دی قطعاً اجازت نی ڈیندی جو اداریں دی عزت کوں سرعام پامال کیتا ونجے ،سنوار کوں وزارت داخلہ ولوں جاری بیان موجب وفاقی وزیر داخلہ اعجاز احمد شاہ آکھیے جو نواز شریف ہک مجرم ہن تے عدالتی احکامات کوں نہ منیندے ہوئیں باہرلے ملک اچ پناہ گھن تے ریاست مخالف پروپیگنڈہ دی ترویج کریندے پن تاں جو او خود کوں احتساب توں بچ سگن ۔وزیر داخلہ اعجاز احمد شاہ آکھیے جو ریاست ایں قدر کمزور نی تھی سگدی جو سرعام قومی اداریں دے خلاف نفرت انگیز کلمات استعمال کرنڑ آلیں دے اگوں گوڈے ٹیک ڈتن ۔ وزیر داخلہ آکھیے جو نواز شریف جیرھا خود ہک مجرم اے بیماری دا بہانہ بنڑا تے ملک توں بھج گے ہن باہرلے ملک بہہ تے ریاست مخالف پروپیگنڈہ کوں ودھارا ڈیندے پئن ،ہنڑ جو نواز شریف جانڑدن جو اینکوں یا تاں لٹیا ہویا مال واپس کرنڑاں پوسی یا ول عدالت اچ جواب ڈیونڑاں پوسی تاں او ریاستی اداریں دے خلاف توہین آمیز ایجنڈا شروع کر ڈتے ۔وزیر داخلہ استفسار کیتا جو وزیر اعظم عمران خان ڈو سال پہلے آپنڑی ابتدائی تقاریر اچ ایں گال دا اعلان کیتا ہئی جو اگر کہیں وی سیاسی جماعت کوں ایجھا لگدے جو الیکشن اچ دھاندلی تھئی اے تاں اوں ویلھے ایں تے اعتراض چا سگدن ، ہنڑ ڈو سال بعد الیکشن دی شفافیت تے سوال کیتا چاتا ویندا پئے ؟۔وزیر داخلہ اعجاز احمد شاہ موجب انہاں ریلیاں توں پاکستان دی بہتری تے جمہوری روایات دا کوئی تعلق کائنی ۔
کوئی وی جمہوری رعایت اداریں دی عزت پامال کرنڑ دی قطعاًاجازت نی ڈیندی ، اعجاز احمد شاہ
مضمون کا ماخذ : como apostar na mega sena
متعلقہ مضامین
