اسلام آباد۔02اکتوبر(اے پی پی)صدر مملکت ڈاکٹر عارف علوی آکھیے جوحکومت اپنڑی آئینی مدت پوری کریسی،نوازشریف باھرو بیھ تے ملک کوں بدنام کرنڑ دی سازش کریندے پین،جیڑھا وی ملک اچ فساد کھنڈیسی میں اوندے خلاف ہوساں،حکومت کرپشن تے کوئی وی سمجھوتہ نہ کریسی۔اے گالھ صدر مملکت ڈاکٹر عارف علوی نجی ٹی وی کوں انٹرویوڈیندے آکھی۔ انہاں آکھیا جو ملک اچ اھتساب بغیر کہیں وانجھ تے تھیندا پئے،ملک اچ مہنگائی گھٹدی پئی اے،حکومت کرپشن تے کوئی وی سمجھوتہ نہ کریسی اتے بدعنوان عناصر کوں کوئی وتھی نہ ملسی بھاویں اوجتنے وی ہتھ پیر مارن۔انہاں آکھیے جو جگ اچ کرونا پاروں روزگار اچ کمی تھئی اے،بے روزگاری ودھی اے بھل حکومت دے چنگے اتے ویلھے تے اقدامات پاروں کرونانال چنگاں نبڑیا گئے،ملکی معیشت ولا تکڑی تھیندی پئی اے اتے ملک درست سمت دو ٹر پئے، امیداے جو تیکھے ملک اچ معیشت ولا بحال تھی ویسی،کرونا اچ حکومت، عوام، میڈیا اتے ہر طبقے دا کرداربہوں اہم رہے۔صدر مملکت آکھیے جو ملک اداریاں دا احترام کرنڑا چاہیدے،قومی اداریاں کوں نشانہ بنڑاونڑدا کیا مقصد اے؟مالیاتی قوانین دے مطابق پورے جگ اچ کمائے مال اتے اثاثیاںدا حساب ڈیونڑا پوندے، نوازشریف وطن ول تے عدالتاں دا سامنڑا کرن اتے ملکی اداریاں تے کوڑے الزام لاونڑ دی بجائے کمائی مڈی دا حساب ڈیون۔صدر مملکت آکھیے جو بھارت پاکستان کوں بدنام کرنڑ کیتے کوئی وی موقع ہتھو نئیں ونجنڑڈیندا،نوازشریف دا بیانیہ وی دشمن دی مدد کرنڑ دے مترادف اے۔
حکومت اپنڑی آئینی مدت پوری کریسی،نوازشریف باھرو بیھ تے ملک کوں بدنام کرنڑ دی سازش کریندے پین،جیڑھا وی ملک اچ فساد کھنڈیسی میں اوندے خلاف ہوساں،حکومت کرپشن تے کوئی وی سمجھوتہ نہ کریسی،صدر مملکت ڈاکٹر عارف علوی دانجی ٹی وی کوں انٹرویو
مضمون کا ماخذ : apostas lotomania
متعلقہ مضامین
