اسلام آباد ۔ 16 ستمبر (اے پی پی) پاکستان تحریک انصاف دے سینیٹر فیصل جاوید آکھیے جو حکومت پولیس اصلاحات متعارف کراونڑ ،عصمت دری کرنڑ آلیں کیتے سخت سزا سانگے فوجداری نظام کوں مزید موثر بنڑاونڑ کیتے کوشاں اے۔ بدھ کوں نجی ٹی وی چینل نال گال مہاڑ کریندے ہوئیں سینیٹر فیصل جاوید آکھیے جو حکومت جامع بل تے کم کریندی پئی اے اینکوں قومی اسمبلی وچ پیش کیتا ویسی ۔ انہاں آکھیے جو حکومت ایں بل کوں منظوری کریسی تے حزب اختلاف کوں ایندی حمایت کرنڑیں چاہیدی اے ۔ سینیٹر فیصل جاوید آکھیے جو اساکوں تباہ حال انصاف دے نظام اچ اصلاحات دی لوڑھ اے جو گھٹ توں گھٹ ویلھے وچ سزا ڈتی ونجے تے متاثرہ فریق تے مجرماں وچال کوئی مفاہمت نہ ہووے ۔انہاں آکھیے جو حکومت ملک اچ جنسی زیادتیاں کوں روکنڑ کیتے سخت توں سخت سزاواں متعارف کرویسی ۔
مضمون کا ماخذ : سامراا سپلٹ
