اسلام آباد۔7اکتوبر (اے پی پی)وزیرخارجہ مخدوم شاہ محمود قریشی دا ترک ہم منصب میولوت چاوش اولو نال ٹیلی فون تے رابطہ،علاقائی صورتحال سودھے آپسی دلچسپی دے معاملیاں تے گالھ مہاڑ کیتی۔دفتر خارجہ دے ترجمان دے مطابق وزیرخارجہ آکھیاجو اہم علاقائی تے عالمی معاملیاں بارے پاکستان اتے ترکی دا موقف ہکو جیہا اے جیڑھا جو چنگی گالھ اے۔وزیرخارجہ کشمیر دے مسئلے بارے ترکی ولوں مسلسل واضح اتے ڈوک موقف تے ترک وزیرخارجہ دا شکریہ اد اکیتا۔شاہ محمود قریشی آکھیا جو اقوام متحدہ جنرل اسمبلی دے پچھترویں اجلاس اچ جینویں ترک صدر رجب طیب اردگان ’نہتے کشمیریوں تے تھیونڑ آلے ظلم دے خلاف آواز چاتی اے اوں نال کشمیریاں دا حوصلہ ودھ گئے ۔پاکستان افغان امن عمل سودھے خطے اچ امن سانگے اپنڑاں مثبت کردار سانگے پرعزم اے۔ترک وزیر خارجہ میولوت چاوش اولو ’ فغانستان اچ امن دی کوششاں سودھی خطے اچ امن سانگے پاکستان دے کردار دی تعریف کیتی۔وزیرخارجہ ولوں ترک وزیرخارجہ کوں پاکستان دے دورے دی دعوت ڈتی گئی ۔
وزیرخارجہ مخدوم شاہ محمود قریشی دا ترک ہم منصب میولوت چاوش اولو نال ٹیلی فون تے رابطہ،علاقائی صورتحال سودھے آپسی دلچسپی دے معاملیاں تے گالھ مہاڑ
مضمون کا ماخذ : لاتعداد وشال پانڈا
متعلقہ مضامین
