اسلام آباد ۔ 19 جون (اے پی پی) وزیراعظم عمران خان قومی تہذیب و تمدن اتے پاکستانیت کوں اشابر کرنڑ تے زورڈیندے آکھیے جوجدیدذرائع ابلاغ،مغربی کلچر دی یلغار ساڈی اقدار اتے نوجوان نسل دی تعلیم و تربیت کیتے وڈا چیلنج ہین،قومی تشخص کوں اگونہا کرنڑ کیتے فوری اقدامات دی لوڑھ اے۔اے گالھ انہاں ملک دے مہاندرے لکھاریاں نال ہک ویڈیو لنک ملاقات اچ آکھی۔انہاں نال وفاقی وزیر اطلاعات و نشریات سینیٹر شبلی فراز اتے معاون خصوصی اطلاعات لیفٹیننٹ جنرل (ر) عاصم سلیم باجوہ وی موجود ہن۔انہاں آکھیے جو اسلامی شعار اتے قومی اقدارنال متضاد کلچردی بھرمارنال ساڈی تاریخ، ثقافت، معاشرتی اقدارکوں وی خطرات ہین اتے نویں نسل اچ اسلامی شخصیات، آباو اجداد اتے قومی تاریخ بارے وی معلومات مڈود تھینداں ویندن،،ملک دے نامور لکھاری ایں سانگے اہم کردارادا کر سگدن،قومی تہذیب و تمدن اتے پاکستانیت دے ودھارے کیتے کوششاں دی حکومتی سطح تے ودھ حوصلہ افزائی کیتی ویسی۔وزیراعظم آکھیا جو حکومت پاکستان ٹیلی ویژن دی اصلاح تے ودھ توجہ ڈیندی پئی اے تاں جو پی ٹی وی قومی تشخص سانگے اپنڑا کردارادا کرسگے،امید اے نجی چینل وی ایندے تے اپنڑا قومی فریضہ نبھیسن۔
وزیراعظم عمران خان دا قومی تہذیب و تمدن اتے پاکستانیت کوں اشابر کرنڑ تے زور،قومی تشخص کوں اگونہا کرنڑ کیتے فوری اقدامات دی لوڑھ اے،وزیراعظم عمران خان دی ملک دے مہاندرے لکھاریاں نال ویڈیو لنک گالھ مہاڑ
مضمون کا ماخذ : جادوئی اسپن
متعلقہ مضامین
