اسلام آباد۔29فروری(اے پی پی)وزیر مملکت علی محمد خان آکھیے جو حکومت ملک اچ مادری زباناں دے ودھارے کیتے کم کریندی پئی اے،مدینہ دی ریاست کوں حقیقی شکل ڈیونڑ کیتے پہلی جماعت توں گھن تے ڈاہویں تئیں نصاب اچ پاک نبی ﷺ اتے صحابہ کرام دے سوہنڑے جیونڑ کوں حصہ بنڑاونڑدی لوڑھ اے۔اے گالھ انہاں اسلام آباد اچ مہاندرے صحافی، کالم نگار اتے تجزیہ کارعامر ہاشم خاکوانی دی کتاب “زرنگارنامہ” دی گھنڈ کھلائی تقریب نال خطاب کریندے آکھی۔ انہاں آکھیا جو حکومت وزیراعظم عمران خان دی اگوانڑی اچ مادری زباناں دے ودھارے کیتے کم کریندی پئی اے، ایندے اچ کوئی شک کائنی جو اردو اتے انگریزی دی وڈی اہمیت اے بھل مادری زباناں دی اہمیت توں وی منہ نئیں پھیریا ونج سگدا،ایں معاملے تے وفاقی کابینہ اچ وی بحث تھئی اے۔علی محمد خان آکھیے جو وزیراعظم عمران خان ہر موقع تے ریاست مدینہ دی گالھ کریندن اتے نینگرٓں کوں دعوت ڈیندن جو او اپنڑا جیونڑسوکھا کرنڑ کیتے پیارے نبی ﷺ دے جیونڑ دے طریقہ کار کوں اپناونڑ،ایں سانگے کابینہ اچ ایندے تے ہکا رائے اے جو مدینہ دی ریاست کوں حقیقی شکل ڈیونڑ کیتے پہلی جماعت توں گھن تے ڈاہویں تئیں نصاب اچ پاک نبی ﷺ اتے صحابہ کرام دے سوہنڑے جیونڑ کوں حصہ بنڑاونڑدی لوڑھ اے۔
پی ٹی آئی حکومت حکومت ملک اچ مادری زباناں دے ودھارے کیتے کم کریندی پئی اے،وزیر مملکت علی محمد خان دا مہاندرے صحافی عامر ہاشم خاکوانی دی کتاب دی گھنڈ کھلائی تقریب نال خطاب
مضمون کا ماخذ : estatisticas lotomania
متعلقہ مضامین
