ملتان ۔09مارچ(اے پی پی)نامور خطاط اتے مصور علی اعجاز نظامی کوں چھنڑ چھنڑ کوں ملتان دے قبرستان حسن پروانہ اچ دفنا دتا گئے۔ انہان دی نماز جنازہ اچ ملتان دے مصوراں ، دستکاراں اتے فنون لطیفہ نال رلیے لوکاں وڈی تعداد اچ شرکت کیتی۔ او جمعہ کوں وفات پا گئے ہن۔انہاں ملتانن اچ مصورانہ خطاطی کوں اپنڑی سنجانڑ بنڑایا ہا۔ علی اعجاز نظامی 13اگست 1952کوں ملتان اچ جمین اتے فنی کیریئر شروع کرنڑ توں بعد کئی اخباراں اچ بطور آرٹ ایڈیٹر وی کم کریندے رہین۔پین ورک انہان دی سنجانڑ بنڑی اتے آئل پینتنگز اچ وی ناں کمایا۔کئی کتاباں کیتے انہاں دے گھڑیے گئے سرورق بہوں مقبول تھین۔ علی اعجاز نظامی قرآنی خطاطی ، اسمائے ربانی اتے اسمائے محمد ﷺ دی وی نویکلی خطاطی کیتی ۔ ملتان دی تاریخی عمارات،گلی محلیاں اتے اتھو دی ثقافت کوں انہاں اپنڑیاں تصویراں نال سجا تے نشابر کیتے۔
مضمون کا ماخذ : پاور بال انعامات
