اسلام آباد ۔ 28 فروری (اے پی پی) ترجمان دفتر خارجہ ڈاکٹر محمد فیصل ہک واری ول واضح کیتے جو پاکستان دہشت گردی سودھے سارے حل طلب معاملیاں تے بھارت نال مذاکرات کوں تیار اے،کشمیر ڈوہاں ملکاں وچال اصل جھیڑا اے،دہشت گردی دے بہانے ٹھوس شواہد دے بغیراینجھی دراندازی پورے خطے کوں تباہ کر سگدی اے، پاکستان اپنڑے دفاع کیتے کہیں بئے دو نہ ڈیکھسی،ساکوں اپنڑیاں مسلھ افواج تے پورا بھروسا اے، جھیڑا مکاونڑ کیتے بھارتی پیشکش دا خیر مقدم کریندے ہیں، سمجھوتہ ایکسپریس سکیورٹی وجوہات پاروں روکی اے۔ اسلام آباد اچ ہفتہ وارپریس بریفنگ اچ ترجمان دفتر خارجہ ڈاکٹر محمد فیصل دا آکھنڑ ہا جو بھارت پلوامہ حملے بارے دستاویزات پاکستان کوں ڈتن،جیکر ٹھوس شواہد ہوئے تاں پاکستان پورا ہتھ ونڈیسی کیوں جو اساں جھیڑا نسے چاہندے۔ انہاں آکھیے جو ہک بھارتی پائلٹ ساڈے کولو بالکل محفوط اتے صحتمند اے،اساں اگیں آلی کار مذاکرات کیتے تیار ہین بھل گالھ مہار توں ہر ویلھے بھارت کڈھواویندے،جیکر ساڈے تے جنگ تھپی گئی تاں اساں اپنڑی صلح جوئی کوں بھل تے پورا جواب ڈیسوں۔ ترجمان آکھیے جو پاکستان یو این فوجی مبصر گروپ نال رابطہ کیتے ،تیکھے ایں گروپ کوں بھارتی جنگی جہاز ڈھواونڑ دی جاہ دا معائنہ کرایا ویسی،اساں عالمی برادری کوں ڈسا چکیے ہیں جیکر دہشت گرد ٹھکانیاں دے خلاف کارروائی کرنڑی ہووے تاں عالمی قوانین علاقائی جارحیت دی اجازت نئیں ڈیندے۔ او آئی سی اجلاس بارے انہاں آکھیا جو وزیر خارجہ ڈسا چکین جیکر بھارتی وزیر خارجہ اجلاس اچ آئی تاں او اجلاس اچ نہ ویسن۔
پاکستان دہشت گردی سودھے سارے حل طلب معاملیاں تے بھارت نال مذاکرات کوں تیار اے، ترجمان دفتر خارجہ
مضمون کا ماخذ : سلاٹ فادر
متعلقہ مضامین
