اسلام آباد ۔ 07جنوری (اے پی پی) وفاقی وزیر برائے امور کشمیر تے گلگت بلتستان چوہدری محمد برجیس طاہر آکھے جو نواز شریف دے وژن اتے مسلم لیگ( ن)دی حکومت دیاں پالیسیاں دی بدولت2018ءدا پاکستان 2013 ءدے پاکستان توں وکھرا تے خوشحال ہے ۔2013 ءدی بدامنی ، لوڈشیڈنگ اتے معاشی بدحالی دے مقابلے اچ اج داپاکستان امن و امان ، توانائی اتے معاشی استحکام دے حوالے نال چنگا مستحکم تھی گئے اتے حکومت اپنڑی راہندی مدت اچ پاکستان کوں ہر شعبے اچ محمد نوازشریف دے وژن مطابق ناقابل تسخیر بناونڑ دا سفر ضرور پورا تھیسی، عمران خان جئے کجھ نافہم سیاست دان اقتدار گھنڑ دی ہوس اچ کہیں ناں کہیں طرح دشمناں دے ہتھاں اچ استعمال تھیندے پن۔اتوار کوں اپنڑے ہک بیان اچ انہاں آکھیا ملک دے چنگے دفاع سانگے پاکستان دا معاشی لحاظ نال طاقتور ا تے خودکفیل ہونڑ بہوں ضروری ہے اتے اج مسلم لیگ ن دی حکومت ولوں پاکستان کوں معاشی لحاظ نال مستحکم کرنڑ دا ہی نتیجہ ہے جو امریکہ ولوں پاکستان دی امداد بند کرنڑ دیاں دھمکیاں دے باوجودپاکستان اج اپنڑے قومی مفاد سانگے فیصلے کر نڑ اچ آزادہے ۔ وفاقی وزیر آکھیا جو محمد نواز شریف پہلے 1998 ءاچ ایٹمی دھماکاں دی صورت اچ پاکستان دے دفاع کوں ناقابل تسخیر بنڑایا اتے بعد اچ انہاں ملک کوں معاشی لحاظ نال ناقابل تسخیر بناونڑ دا سفر شروع کیتا جیکوں بدقسمتی نال 1999 اچ ڈی ریل کر ڈتاگیا۔انہاں آکھیا جوساریاں سا زشاں دے باوجود مسلم لیگ (ن) اپنڑی مقررہ مدت پوری کریسی اتے 2018 ءدے انتخابات دارزلٹ ثابت کریسی جو محمدنوازشریف اتے مسلم لیگ(ن) ہی پاکستان دی سبھ توں ودھ مقبول سیاسی قیادت اتے جماعت ہے ۔انہاں مزید آکھیا جو اساڈی جماعت اپنڑے قومی مفاد اتے عوام یار پالیسیاں نال عوام اچ اپنڑیاں جڑاں پکیاں کیتیاں ہن ۔
نواز شریف دے وژن اتے( ن) لیگ دی حکومت دیاں پالیسیاں دی وجہ کنوں 2018ءداپاکستان2013 ء دے پاکستان توں وکھرا تے خوشحال ہے,وفاقی وزیر برجیس طاہر
مضمون کا ماخذ : ایشیا ڈریگن
متعلقہ مضامین
