اسلام آباد ۔ 9 اپریل (اے پی پی) وفاقی وزیر دفاعی پیداوار زبیدہ جلال اتے وفاقی وزیر سائنس و ٹیکنالوجی فواد چوہدری خمیس کوں نیشنل ریڈیو اینڈ ٹیلی کمیونیکیشن کارپوریشن این آر ٹی سی ہری پور دا دورہ کیتے۔ این آر ٹی سی ہری پور دے دورے دے دوران منیجنگ ڈائریکٹر وزراءدا استقبال کیتے اتے این آر ٹی سی دی پروفیشنل ورکنگ تے بریفنگ ڈتی ۔ بریفنگ دے دوران منیجنگ ڈائریکٹر آکھیے جو کوویڈ۔19 دے کھنڈنڑ دے ماحول اچ این آر ٹی سی قومی جدوجہد تے توجہ کر رکھی اے ۔ رضاکاراں دی انتہائی پرعزم ٹیم بنڑائی گی اے ۔ جنہاں ریسرچ اتے سروے نال ضروری تجربہ حاصل کیتے۔ ٹیم 18 ڈینھ اچ ہنڑ تئیں 109 وینٹیلیٹرز مفت اچ مرمت کیتن۔ اے وینٹیلیٹرز ملک پورے ملک دے مختلف ہسپتالاں اچ استعمال اچ آچکن ۔ منیجنگ ڈائریکٹر ڈسائے جو مرمت دا کم بئے اہم پہلواں کوں نظر انداز کیتے بغیر انجام ڈتا گئے ۔ این آر ٹی سی آئی ٹی دی عالمی معیار دی مصنوعات کیتے جانڑیا ویندے بریفنگ دے بعد وزراء ریسرچ فیسلٹیز تے پروڈکشن لائن دا دورہ وی کیتا۔
وفاقی وزراء زبیدہ جلال اتے فواد چوہدری دا نیشنل ریڈیو اینڈ ٹیلی کمیونیکیشن کارپوریشن این آر ٹی سی ہری پور دا دورہ
مضمون کا ماخذ : میگا ملینز آن لائن ٹکٹ
متعلقہ مضامین
