اسلام آباد۔9دسمبر(اے پی پی)وزیراعظم عمران خان نال 115 ویں نیشنل مینجمنٹ کورس (این ایم سی ) دے افسران ملین۔ وزیراعظم عمران خان آکھیے جو سرکاری ملازمین عوامی خدمت دی ٻہوں وݙی ذمہ داری نبھیندن، ترقی اتے عزت کماوݨ دا رستہ ہمیشہ چیلنجز آلا ہوندے، نینگراں دا اخلاقی معیار ودھاوݨ تے ساݙی توجہ اے، پیسہ کماوݨ سوکھا ہوندے ڄیڑھا بدعنوانی اتے تباہی دو ڳھن ویندے اتے ݙوڄھا رستہ عزت اتے ترقی دا اے ڄیڑھا چیلنجز آلا اے۔ انہاں آکھیا جو ساݙی حکومت نظام تعلیم اچ طبقاتی وانڄھ مکاوݨ کیتے ہکو سواں نصاب ڳھدی آندی اے تاں جو ساݙے ٻالاں دا مستقبل تکرا تھیوے، او ہر شعبے اچ ماہر تھیون۔ وزیراعظم عمران خان آکھیا جو رحمت اللعالمین اتھارٹی دا مقصد معاشرے دا اخلاقی معیار ودھاوݨ اے، اتھارٹی حضور نبی اکرم صلی اللہ علیہ وآلہ وسلم دے جیوݨ تے رہنمائی ݙیسی۔ انہاں آکھیا جو طاقت دا استعمال انتہا پسندی مکاؤݨ دا حل نئیں، نوجوان نسل اچ اخلاقی اقدار ودھاوݨ نال ہک معتدل، روادار اتے ترقی پسند معاشرہ سامݨے آسی۔ انہاں آکھیا جو اوکھ دے باوجود حکومت ملک کوں معاشی بحالی دو ڳھدی آندی اے، ایں سانڳے کئی سماجی پروگرام شروع ہین، حکومت سارے شعبیاں اچ طویل المدتی اصلاحات چاہندی اے۔
وزیراعظم عمران خان نال 115ویں نیشنل مینجمنٹ کورس دے افسران دی ملاقات
مضمون کا ماخذ : پاور بال کی پیشن گوئی
متعلقہ مضامین
