اسلام آباد۔30جولائی (اے پی پی):وزیرِ اعظم عمران خا ن معیشت دے استحکام کیتے صنعتی ترقی دی اہمیت تے زور ݙیندے ہوئیں آکھیے جو حکومت برآمدات ودھاوݨ کیتے صنعتاں کوں سہولتاں ݙیندی پئی اے جیں توں نہ صرف تجارتی خسارہ گھٹ تھیسی اتے زرِ مبادلہ دے ذخائر اچ ودھارا تھیسی ، بلکہ ملک اچ روزگار دے موقع پیدا تھیسن، ٹیکس دے نظام دی بہتری کیتے اصلاحات جاری ہن، سارے سٹیک ہولڈرز توں مشاورت نال ایں عمل کوں تکھا تے ایندے وچ بہتری گھن آئی ویسی جݙاں جو ملک دے سارے وݙے صنعت وتجارت دے ایواناں حکومت دی کاروبار دوست پالیسیاں اتے کاروبار اچ سوکھ کیتے چاتے وںڄݨ آلے اقدامات تے پورے اعتماد دا اظہار کیتے اتے کاروباری برادری دی مشاورت نال ٹیکس ریونیو ودھاوݨ دی حکمت عملی تے اتفاق کیتا ڳئے ۔ وزیراعظم عمران خان نال ملک دے وݙے چیمبر آف کامرس دے صدور جمعے کوں ملاقات کیتی ۔ملاقات اچ وفاقی وزیرتوانائی حماد اظہر، وفاقی وزیر صنعت و پیداورا مخدوم خسرو بختیار، وزیر اعظم دے مشیرِ کامرس و سرمایہ کاری عبدالرزاق داؤد، وزیرا عظم دے معاون خصوصی ڈاکٹر شہباز گِل، گورنر سٹیٹ بنک ڈاکٹر رضا باقر دے علاوہ متعلقہ حکام موجود ہن جݙاں جو وزیرِ خزانہ شوکت فیاض ترین وڈیو لنک دے ذریعے شریک تھئے۔ ملاقات وزارتِ تجارت ولوں شروع کیتے ڳئے حکومت اتے کاروباری برادری وچال تجاویز دے تبادلے اتے حکومتی پالیسیاں تے آگاہی ودھاوݨ دے سلسلے دی کڑی اے ۔ملاقات اچ وفاق ہائے ایوان صنعت و تجارت دے صدر دے نال نال کراچی، لاہور، سرحد، کوئٹہ، گجرانوالہ، سیالکوٹ، فیصل آباد، گجرات، ملتان، سرگودھا، گوادر، اسلام آباد اتے راوالپنڈی دے چیمبرز دے صدور اتے نائب صدور موجود ہن۔اجلاس اچ شرکا وزیرِ اعظم اتے انہاں دی معاشی ٹیم کوں کورونا وائرس دی وبا دے باوجود ملک اچ کامیاب معاشی پالیسیاں دی بدولت تقریباً 4 فی صد جی ڈی پی گروتھ، وݙیاں صنعتاں دی شرح نموں اچ 15 فی صد ودھارے ، بر آمدی صنعت کیتے سہولتاں تے رکاوٹاں دے تدارک، سٹیٹ بنک دے درمیانے اتے چھوٹی صنعتاں کیتے مراعات (جیں وچ مشینری کیتے قرضے شامل ہن) اتے کاروباری برادری کوں ازبکستان دی تجارتی استعداد توں فیدہ چاوݨ کیتے انہاں کوں رلے رکھݨ تے خراجِ تحسین پیش کیتا۔ ٹیکس ریونیو تے برآمدات تے ٻاہرلے ملک توں ترسیلاتِ زر اچ ودھارے تے وزیرِ اعظم کوں مبارخ ݙتی ۔
حکومت برآمدات ودھاوݨ کیتے صنعتاں کوں سہولتاں ݙیندی پئی اے ، وزیرِ اعظم عمران خا ن دی چیمبر ز آف کامرس دے صدور نال ملاقات اچ ڳال مہاڑ
مضمون کا ماخذ : ایشیا ڈریگن
متعلقہ مضامین
