اسلام آباد۔30جولائی (اے پی پی):ڈپٹی سپیکر قومی اسمبلی قاسم خان سوری آکھیے جو پاکستان تے افغانستان دی مذہبی اتے ثقافتی اقدار ھکو سویاں ہن، اساں ھک مضبوط افغانستان چاہندوں جیں اچ فیصلے افغانستان دے لوک خود کرن، افغانی ہمت آلے لوک ہن انہاں کݙاہیں ہار نی منی ، افغان امن عمل اچ پاکستان بھرپور کردار ادا کرݨ دی کوشش کیتی، اساں فغانستان کوں ترقی کریندا ملک ݙیکھݨ چاہندوں ، اے ڳال انہاں پاک افغان یوتھ فورم دے اہتمام نال منعقدہ تقریب توں خطاب کریندے ہوئیں آکھی اے ، ایں موقع تے وفاقی وزیر اطلاعات چوہدری فواد حسین، وفاقی وزیر مذہبی امور پیر نور الحق قادری، وزیر مملکت موسمیاتی تبدیلی زرتاج گل، وزیراعظم دے معاون خصوصی شہباز گل سودھے اہم شخصیات موجود ہن ۔ قاسم خان سوری آکھیے جو پاکستان تے افغانستان دی مذہبی اتے ثقافتی اقدارھکو سویں اے ۔ اساݙے تاریخی ہیروز کابل توں آ تے برصغیر پاک و ہند اچ تاریخ رقم کیتی، حضرت داتا گنج بخش افغانستان توں اتھاں آئے اتے اسلام دی تبلیغ کیتی۔ شیر شاہ سوری کابل توں کلکتہ تئیں 3300 کلو میٹر سڑک بݨائی۔ انہاں آکھیے جو بدقسمتی توں گزریل 40 سالاں اچ افغانستان اچ ظلم و ستم کیتا ڳیا ، تقریباً 30 لکھ افغان پناہ گزین گزریل چالینھ سالاں توں اتھاں رہندے پئن ، انہاں آکھیے اساں اوں ویلھے تئیں اڳوں نی ودھ سڳدے جݙاں ھک آزاد تے خودمختار ملک نہ بݨ ونڄے ۔
پاکستان اتے افغانستان دی مذہبی تے ثقافتی اقدار ھکو سویاں ہن ، ڈپٹی سپیکر قومی اسمبلی
مضمون کا ماخذ : خوش قسمت لڑکی
متعلقہ مضامین
