اسلام آباد۔20جون (اے پی پی):وزیر اعظم عمران خان آکھیے جو اساݙی آبی تحفظ دیاں پالیسیاں دے بہترین ثمرات سامݨے آندے پئن ۔ اتوار کوں ھک ٹویٹ اچ وزیراعظم عمران خان وزیراعلیٰ پنجاب عثمان بزدار دی قیادت اچ پنجاب حکومت دے اقدامات دی تعریف کیتی جنہاں دی بدولت لاہور اچ زیر زمین پاݨی دی سطح ڈھݨ دا عمل شروع 1980 دے بعد ہݨ رک ڳئے ۔ وزیر اعظم آکھیے جو اے ایں سانگے ممکن تھئے جو پنجاب حکومت پاݨی دی ری سائیکلنگ دی پالیسی، ایکوفر چارجز، زیر زمین بارشی پاݨی دے ذخیرے، ٹائیمڈ ویل پمپنگ اتے ٻئے ٹارگیٹڈ اقدامات کیتن ، وزیراعظم عمران خان لاہور اچ پاݨی دی سطح ڈھݨ دے حوالے نال چارٹ وی شئیر کیتا جیں مطابق لاہور اچ 2020 اچ زیر زمین پاݨی دی سطح ڈھݨ دی شرح اچ 1980 دے بعد پہلی واری ودھارا نی تھیا ، ایندے توں پہلے ہرسال اے شرح بتدریج ودھدی رہی تے ایں پاسے کوئی توجہ نی ݙتی ڳئی ۔
آبی تحفظ دیاں پالیسیاں دے بہترین ثمرات سامݨے آندے پئن، وزیر اعظم عمران خان
مضمون کا ماخذ : شمال کے ڈریگن
متعلقہ مضامین
