اسلام آباد۔19جون (اے پی پی):وزیر خارجہ مخدوم شاہ محمود قریشی ترکی اچ جاری انطالیہ سفارتی فورم دے موقع تے ہفتے کوں ملائشیا دے اپݨے ہم منصب حشام الدین حسین دےنال ملاقات کیتی۔ملاقات اچ ݙوپاسے تعلقات ،مختلف شعبہ جات اچ ݙو پاسے تعاون سودھے سانجھی دلچسپی دے اہم علاقائی و عالمی امور تے ڳال مہاڑ کیتی ڳئی ۔وزیر خارجہ آکھیے جو پاکستان دے ملائشیا دےنال پراݨے ، گہرے، برادرانہ مراسم ہن ۔ پاکستان، ملائشیا دے نال اقتصادی، تجارتی ،دفاعی، تعلیمی، ٹیکنالوجی دے تبادلے سودھے کثیرالجہتی شعبہ جات اچ سٹریٹیجک شراکت داری کوں مزید مستحکم بݨاوݨ چاہندے ݙوہیں وزرائے خارجہ کورونا دی وبائی صورتحال دے نتیجے اچ سامݨے آوݨ آلے چیلنجز نال نبݨݨ کیتے سانجھیاں کوششاں کرݨ تے اتفاق کیتا ۔
مضمون کا ماخذ : ٹکی انماد
