اسلام آباد۔20نومبر (اے پی پی):وزیراعظم عمران خان آکھیے جو حکومت اقوام متحدہ دے کنونشن دے تحت ٻالاں دی ترقی، تعلیم، صحت دی ݙیکھ بھال، انہاں دے وقار اتے سلامتی دے حقوق دی فراہمی کوں یقینی بݨاوݨ کیتے پرعزم اے ، موجودہ حکومت ٻالاں دے حقوق دے تحفظ کوں یقینی بݨاوݨ کیتے مختلف پروگرام شروع کرݙتن ،مختلف اقدامات دے ذریعے قانون دی حکمرانی اتے معاشی انصاف دی فراہمی کوں یقینی بݨایا ویندا پئے ۔ حکومت ملک اچ کووڈ۔ 19 دی صورتحال دی مسلسل نگرانی کریندی پئی اے تے ایں موجب لوکاں تے ایندے منفی اثرات کوں گھٹ کرݨ کیتے صوبائی حکومتاں اتے شراکت داراں دے نال رل تے ہر ممکن مناسب اقدامات چیندی پئی اے۔ اے ڳالھ انھاں خمیس کوں یونیورسل چلڈرن ڈے 2020دے حوالے نال آپ دے پیغام وچ آکھی اے ۔ وزیراعظم عمرا ن خان آکھیے جو پاکستان عالمی برادری دے نال رل تے ”یونیورسل چلڈرن ڈے“ 2020 منیندا پئے جیرھا جو اساݙے آئین پاکستان، اقوام متحدہ دے انسانی حقوق دے اعلامیہ اتے اقوام متحدہ دے کنونشن دے مطابق ٻالاں دے بنیادی حقوق دے تحفظ دے عہد دی توثیق دا موقع فراہم کریندے ،انھاں آکھیے جو ٻال کہیں وی قوم دا ساریں توں قیمتی وسائل تے ایندے مستقبل دی ضمانت ہوندن ۔ حکومت پاکستان اپݨے ٻالاں بارے اپݨی ذمے واریاں توں چنگی طرح آگاہ اے اتے اقوام متحدہ دے کنونشن دے تحت ٻالاں دی ترقی، تعلیم، صحت دی ݙیکھ بھال، انہاں دے وقار اتے سلامتی دے حقوق دی فراہمی کوں یقینی بݨاوݨ کیتے پرعزم اے ۔
حکومت اقوام متحدہ دے کنونشن دے تحت ٻالاں دی ترقی، تعلیم، صحت دی ݙیکھ بھال، انہاں دے وقار اتے سلامتی دے حقوق دی فراہمی کوں یقینی بݨاوݨ کیتے پرعزم ہے،وزیراعظم عمران خان دا یونیورسل چلڈرن ڈے دے موقع تے پیغام
مضمون کا ماخذ : کنگ کانگ روش
متعلقہ مضامین
