چنیوٹ۔17نومبر(اے پی پی)صدر مملکت ڈاکٹر عارف علوی آکھیے جو اسلام میں اللہ دی راہ اچ خرچ کرݨ دا سکھیندے، پاکستان اچ فلاحی کماں تے ودھ توجہ ݙتی ویندی اے، ریاست مدینہ دا حقیقی تصور وی ایہو اے جو مخیر حضرات دل کھول تے اللہ دی راہ سودھا صحت،تعلیم اتے ٻئے سماجی کماں اچ انسانیت دی بھلائی اتے محروم لوکاں دی خدمت کرن۔ اے ڳالھ انہاں انجمن اسلامیہ پاکستان ولوں چنیوٹ اچ ویلفیئر کمپلیکس،سٹیٹ آف دی آرٹ سہولیات دے اکھیں دے ہسپتال ایل آر بی ٹی دے افتتاح اتے صداقت ماڈل سکول دی تقریب نال خطاب اچ آکھی۔ انہاں آکھیا جو ملک اچ کتھائیں وی کوئی قدرتی آفت ہووے، زلزلہ، سیلاب جھیں آفتاں آون پاکستانی ودھ تے اپݨے بھراواں دا ہتھ ونڈیندن، ایندا ناں ہی ایثار اتے قربانی اے جیندی تاریخ اچ کتھائیں مثال نئیں ملدی جو پاکستانی رڄ تے اپݨے سارے وسائل نال قومی خدمت دے جذبہ اتے اللہ دی رضا کیتے اڳو تے راہندن۔
ریاست مدینہ دا تصور انسانیت دے احترام،کار خیر دے جذبہ اتے حقوق العباد دا سبق ݙیندے، صدر مملکت ڈاکٹر عارف علوی
مضمون کا ماخذ : جادوئی اسپن
متعلقہ مضامین
