اسلام آباد ۔ 9 اپریل (اے پی پی) کورونا وائرس دی وبا نال عوام کوں درپیش مشکلات دے ازالے کیتے چندہ جمع کرنڑ دے سلسلے اچ وزیراعظم عمران خان اج جمعے کوں شام 5 وجے کورونا ریلیف فنڈ کیتے سرکاری ٹی وی تے ٹیلی تھون کریسن۔ خمیس کوں پی ٹی آئی دے مرکزی میڈیا ڈیپارٹمنٹ توں جاری بیان دے مطابق سینٹ دی قائمہ کمیٹی اطلاعات و نشریات دے چیئرمین سینیٹر فیصل جاوید ایں حوالے نال تفصیلات سوشل میڈیا دی ویب سائٹ تے سٹ ڈتن ۔ سینیٹر فیصل جاوید آکھیے جو وزیراعظم جمعے دی شام براہ راست ٹیلی تھون کریسن، سرکاری ٹی وی توں ایں ٹیلی تھون کوں براہ راست نشر کیتا ویسی ۔ انہاں آکھیے جو مخیر حضرات اپنڑے عطیات کورونا ریلیف فنڈ اچ نیشنل بینک دے ڈتے گئے اکاونٹ نمبردے ذریعے بھجوا سگدن ، ایں فنڈ نال بندش دی زد اچ آونڑ آلے شہریاں دی ڈیکھ بھال ممکن تھیسی ۔
مضمون کا ماخذ : ولف گولڈ
