اسلام آباد 29 دسمبر (اے پي پي) د منصوبه بندۍ،پرمختګ او خصوصي اقدامات وفاقي وزير پروفيسراحسن اقبال وئيلي دي پاکستان د چيلنجز او مسئلو مقابله کولې شي،څوك چې د هېواد ديواليه كيدو خبري كوي هغه د پاکستان ملګري نه بلكه دښمنان دي، پاکستان نه په ماضي كښې ديواليه شوے او نه به اوس شي،هېواد ته پېښي مسئلې به په ګډه حل كولې شي ، د 5 نه تر 7 كلونو كښې 32 اربه ډالره برآمدات به 100 اربه ډالره ته رسولې شي كوم چې يو قامي چيلنج دے۔د زيارت په ورځ يوي دستوري ته و ينا كښې ده ووئيل دا مهال په معاشي توګه هر يو هېواد مسئلو او چيلنجونو سره مخ دے خو باور لرو چې په ګډه به د مسئلو او چيلنجونو په حل كښې بريالي شو،مونږ هېواد مخ په وړاندې بوتلل غواړو۔ده ووئيل دا مهال هېواد د كورني بحران سره مخ دے دغسې د نړيوالې معاشي کساد بازارۍ صورتحال هم رامخې ته دے۔نړيوال بينك ، اېشين ډوېلپمنټ بانك او نورو مالياتي ادارو د پاکستان په شان د پرمختګ كوونكو هېوادونه معيشتونو په اړه چې كومې محتاط پيشن ګوئيۍ كړي د هغې له مخې د نړيوال کساد بازارۍ بوجھ د پاکستان په شان هېوادونو هم پريوتے شي ٬ دې لپاره به مونږ له راوړاندې كيدل وي۔ احسن اقبال ووئيل د اوسني سېلاب له امله د پاکستان په معيشت 30 اربه بوجھ پريوتے خو مونږ په ښه ډول د هغې مقابله كوو، پاکستان د ښه انتظام او انصرام سره په صورتحال قابو موندلے دے۔ ده ووئېل د نړيوالو اندازو برعکس پاکستان كښې كم ځاني زيان شوے دغسې د سېلاب نه پس وباګانو په نتيجه كښې د ځاني زيان اندازې هم سمي نه دي ثابت شوي او ګڼ كسان د وبا څخه محفوط دي ٬ دې څخه ثابت شوې چې پاکستان د چيلنجونو او مسئلو مقابله کولې شي دې لپاره څوك چې د هېواد د ديواليه كيدو خبري كوي هغه د پاکستان ملګري نه دي بلكه دښمنان دي
پاکستان ديواليه شوے او نه به شي،هېواد ته پېښي مسئلې به په ګډه حل كولې شي ، برآمدات تر 100 اربه ډالره رسول قامي چيلنج دے ۔احسن اقبال
مضمون کا ماخذ : کڑک
متعلقہ مضامین
