راولپنڈی۔18دسمبر(اے پی پی):بھارتی فوج لائن آف کنٹرول دے چیری کوٹ سیکٹر تے بلااشتعال فائرنگ کریندے ہوئے اقوام متحدہ دی گاݙی کوں نشانہ بݨائے بھل گاڈی اچ ݙو غیر ملکی مہمان ملٹری آبزرورز محفوظ رہین۔ آئی ایس پی آر موجب ݙو فوجی مبصر سیز فائر دی خلاف ورزی دے شکار لوکاں نال ملݨ پولاس وستی ویندے پئے ہن۔ بھارتی فوج دیاں گولیاں گاݙی کوں لگین۔ پاک فوج مہماناں کوں بحفاظت محفوظ ڄاہ تے راولا کوٹ پچائے۔ ڈی جی آئی ایس پی آر ٹویٹ اچ ایں اشتعال انگیز واقعہ دی شدید مذمت کریندے آکھیے جو بھارتی فوج دی اے حرکت اقوام متحدہ دے چارٹر اتے اصولاں دی کھلی خلاف وزری اے جو ہݨ بھارتی فوج اقوام متحدہ دے امن مشنز کوں وی نشانہ بݨاوݨ شروع کرفتے جیڑھی ایندی مکروہ سوچ کوں بے نقاب کریندی اے۔
مضمون کا ماخذ : سٹاربرسٹ
