اسلام آباد۔12نومبر(اے پی پی)وزیر اعظم عمران خان معیشت کیتے تعمیراتی سرگرمیاں دی اہمیت ودھیندے ہوئے ہدایت کیتی اے جو حکومتی اجازت نامیاں اتے ٻئے متعلقہ کاروائیاں اچ دیر نہ کیتی ونڄے اتے سرمایہ کاراں کیتے منظوریاں دا عمل سوکھا کیتا ونڄے۔ اے ڳالھ انہاں قومی رابطہ کمیٹی برائے ہاؤسنگ، تعمیرات و ڈیویلپمنٹ دے ہفتہ وار اجلاس دی اڳواݨی کریندے آکھی۔ اجلاس کوں ݙسایا ڳئے جو تعمیراتی منصوبیاں کوں گیس اتے بجلی دی تیکھے فراہمی دا طریقہ کار بݨا ݙتا ڳئے ڄݙاں جو اسلام آباد، لاہور، کراچی، کوئٹہ، نوشہرہ اتے ٻئے اضلاع اچ میپنگ دا عمل جاری اے، ایندے نال زمین دی اصل ملکیت ثابت تھیسی اتے غیر قانونی قبضے اتے تجاوزات مکاوݨ اچ مدد ملسی۔ وزیر اعظم آکھیا جو تعمیراتی سرگرمیاں نال معاشی سرگرمیاں وی ودھسن، حکومت دی توجہ سرمایہ کاراں کیتے ہر شعبے اچ سوکھ کرݨ تے توجہ ݙیندی پئی اے۔
سرمایہ کاراں کیتے منظوریاں دا عمل سوکھا بݨایا ونڄے، حکومتی اجازت نامیاں اتے ٻئے متعلقہ کاروائیاں اچ دیر نہ کیتی ونڄے، وزیراعظم عمران خان دی ہدایت
مضمون کا ماخذ : بہت سے نتائج
متعلقہ مضامین
