اسلام آباد ۔ 4 مئی (اے پی پی) وزیراعظم عمران خان آکھیے جو کجھ شرطاں نال لاک ڈاﺅن کوں کھولیا ویسی کیوں جو اساکوں اپنڑی عوام کوں وی بچاونڑاں اے تے بیروزگاری تے بھک دے ہتھوں مرنڑ توں وی بچاونڑاں اے ، اوکھے ویلھے رضاکار ٹائیگر فورس دا کردار کلیدی حیثیت دا حامل اے، اے فورس ایس او پیز تے عملدرآمد کراونڑ ، عوام اچ آگاہی اتے شعور پیدا کرنڑ تے حکومتی پالیسیاں دے نفاذ اچ ضلعی انتظامیہ دی معاونت کریسی ۔ اے گال انہاں سنوار کوں کورونا ریلیف ٹائیگر فورس دے رضاکاراں نال خطاب کریندے ہوئیں آکھی اے ۔ایں موقع تے وزیر اعظم دے معاون خصوصی امور نوجوانان عثمان ڈار، معاون خصوصی صحت ڈاکٹر ظفر مرزا اتے بئے وی موجود ہن ۔ وزیراعظم عمران خان آکھیے جو کورونا ریلیف ٹائیگر فورس دے قیام دا فیصلہ میں کیتا کیوں جو اساڈے سامنڑے ہک وڈا چیلنج اے ، انہاں آکھیے جو دنیا اچ ہک وبا پھٹ پئی اے جیں پاروں پوری دنیا اقدامات کریندی پئی اے جیرھی جو گزریل سو سال اچ کائنی کیتے گے ایں وبا کوں روکنڑ کیتے لاک ڈان کرنڑاں پئے جیں دی وجہ توں عوام بندے تے اثرات تھئن تے ڈیہاڑی دار تے چھابڑی فروش، تنخواہ دار سمیت بہوں وڈی تعدا د اچ لوک متاثر تھئن ،اساڈا ملک پہلے ہی اوکھا ہئی ایندے اچ اے مسئلہ وی ودھ سنگین اے جڈاں جو امیر ملکاں کوں وی ایں ویلھے اوکھ دا سامنڑاں اے ،برطانیہ جیہوجے ملک اچ وزیراعظم رضا کاراں توں درخواست کیتی تے ڈھائی لکھ لوکاں وزیراعظم دی اپیل تے خود کوں رجسٹر کرائے ،انہاں آکھیے جو قوم کوں اوکھے ویلھے ایجھے لوکاں دی مدد دی ضرورت اے جیرھی جو انتظامیہ تے عوام دی مدد کرسگن ، انتطامیہ ڈے اتنی وڈی تعداد اچ عملہ کائنی جو مسیتاں اچ ایس او پیز، کھاونڑ دی ونڈ سمیت حکومتی اقدامات اتے پالیسیاں تے عمل درآمد دا سارا کم خود کرسگے ایں کیتے رضاکار ٹائیگر فورس دی ضرورت محسوس کیتی، اے فورس اوکھے ویلھے جہاد کریسی ۔
کجھ شرطاں نال لاک ڈاﺅن کوں کھولیا ویسی ،عوام کوں کورونا ،بیروزگاری تے بھک دے ہتھوں مرنڑ توں وی بچاونڑاں اے ، وزیراعظم عمران خان دا کورونا ریلیف ٹائیگر فورس دے رضاکاراں نال خطاب
مضمون کا ماخذ : resultados loteria São Paulo
متعلقہ مضامین
