اسلام آباد۔8 اپرېل(اے پی پی) صدر مملكت ډاكټر عارف علوي د سپریم کورټ (پرېکټس اېنډ پروسېجر) بل 2023 د آئين آرټيكل 75 لاندې بيا كتنې له پارليمنټ ته بېرته ولېږلو په كوم كښې چې صدر ووئيل چې دا بل د پارليمنټ اختيار څخه بهر ښكاري۔ د ايوان صدر ميډيا ونګ لخوا د جاري شوي بيان له مخې صدر بل بيا كتنې له بېرته لېږلو سره ووئيل دا بل په قانوني توګه د مصنوعي او ناكافي كېدو له امله په عدالت كښې چېلنج كېدے شي٬ زما په خيال په دې يو وارے بيا غور كولو او د دې سمولو له به دا بېرته لېږل مناسب وي٬ آئين سپريم كورټ ته د اېپلي ٬ اېډوائزري ٬ ريويو او اورېدنې اختيار وركوي۔ صدر مملكت ووئيل مجوزہ بل د آرټیکل 184 (3) د عدالت د ابتدائي اختيار سماعت په اړه دے۔ آرټيكل 191 سپريم كورټ ته د عدالتي كارروايۍ او تګلارې رېګولېټ كولو له د قانون جوړولو اختيار وركوي۔ ده ووئيل د آئين د دې دفعاتو لاندې سپريم كورټ رولز 1980 جوړ كړل د كومو توثيق چې په خپله سپريم كورټ وكړو۔ په سپریم کورټ رولز 1980 كال 1980 څخه عملدرآمد روان دے۔ صدر مملكت ووئيل د آرټيكل 67 لاندې پارليمان د آئين تابع دے ٬ د آرټیکل 191 لمخې د آئين او قانون تابع پاتې كېدو سره سپریم کورټ د خپلې كاركردګۍ او تګلارې رېګولېټ كولو له قواعد جوړولې شي۔ د عدليه آزادۍ ته بشپړه تحفظ وركولو له آرټیکل 191 په دستور كښې شامل كړے شو۔ د آرټیکل 191 له مخې سپريم كورټ د پارليمان قانون سازۍ اختيار څخه بهر كړے شوے دے۔ صدر مملكت ووئيل بل په بنيادي توګه د پارليمنټ د اختيار دائرې څخه بهر دے او د بل په پورته ذكر كړې شويو اړخونو مناسب غور كولو كولو ته اړتيا ده۔
صدر مملكت ډاكټر عارف علوي د سپریم کورټ (پريکټس اينډ پروسيجر) بل 2023 د آئين آرټيكل 75 لاندې بيا كتنې له پارليمنټ ته بيرته ولېږلو
مضمون کا ماخذ : آن لائن لاٹری پاکستان
متعلقہ مضامین
