حکومت ملک کوں ترقی خوشحالی دے رستے تے ٹورنڑاتے عام آدمی دا جیونڑ سوکھا کرنڑ دا رستہ گول گھدے، وزیراعظم عمران خان دا حکومت دی سو ڈینہہ دی کارکردگی سانگے تقریب نال خطاب

اسلام آباد ۔ 29 نومبر (اے پی پی) وزیراعظم عمران خان حکومت دی پہلے سو ڈینہہ دی کارکردگی تے اطمینان کریندے ہوئیں آکھیے جو حکومت ملک کوں ترقی خوشحالی دے رستے تے سٹنراتے عام آدمی دا جیونڑ سوکھا کرنڑ دا رستہ گول گھدے،مختلف شعبیاں اچ اصلاحات متعارف کرا ڈتن،مدینے دی ریاست آلی کاری سارا زور غریب طبقے کوں اگو کرنڑ تے لیسوں،مقصدملک کوںترقی خوشحالی دے رستے تے سٹنراے،کرپشن، منی لانڈرنگ،غیریباں کوں چھت،سیاحت و زراعت کیتے پالیسیاں،صحت و تعلیم، یکساں نظام تعلیم اتے نصاب تے کم تھیندا پئے،غریباں کوں صحت کارڈ ڈیسوں،غربت مکاونڑ کیتے انجھ ادارہ بنڑایا ویسی،پیسہ بچاونڑ اتے چوری لکاونڑ آلے جمہوریت خطرے اچ اے دا شور مچیندے ودن، لکاونڑ اتے چوری کرپشن تے قابو پاتے بغیر پاکستان ترقی نئیں کرسگدا،جیکر احتساب نہ کریسی تاںسزائیں کیویں تھیسن؟ او اسلام آباد اچ حکومت دی سو ڈینہہ دی کارکردگی سانگے تھیونڑ آلی خصوصی تقریب نال خطاب کریندے پئے ہن۔انہانا ٓکھیے جو ھکومت عام ا ٓدمی کیتے پالیسیان بنڑیندی پئی اے، چنگے ارادے ہوون تاں نتیجے وی چنگے نکلدن اتے حکومت لوکان دا جیونڑ چنگا کرنڑ کیتے مخلص اے این سانگے ڈینہہ رات کم کریندی پئی اے۔انہاںآکھیے جو حکومت، غریب کوں ودھ توں ودھ سوکھ ڈیونڑ جیندے اچ چنگی تعلیم،صحت دیاں سہولتاں، سر دی چھت اتے روزگار شامل اے ڈیونڑ دا عزم کیتا ہوئے،ملک اچ ہکو جھیاں نظام تعلیم گھن آیا ویسی، شعبہ سحت اچ اصلاحات تھیسن ایں سانگے پالیسیاں تے عمل تھیندا پئے، غربت مکاونڑ سب توں ودا مقصد اے کیون جو مدینہ دی ریاست اچ ودھ توجہ غریباں دا جیونڑبدلنڑ تے ڈتی گئی ہئی،غربت دی لعنت قوم کوں جائز حق توں وی محروم کر ڈیندی اے، غربت توںجان چھڑاونر کیتے ہک انجھ ادارہ بنڑایاویسی۔ وزیراعظم کرپشن اتے منی لانڈرنگ کوں برائی دی جر قرار ڈیندے آکھیا جو کرپشن مکائے بغیر ملک ترقی نئیں کر سگدا،ایف آئی اے ہنڑ تئیں منی لانڈرنگ دی تحقیقات اچ ساڈھے ترائے سو ارب روپے دی نشاندہی کیتی اے جڈاں جو 375 ارب روپے دے جعلی اکاونٹس پکڑیے گین۔ وزیراعظم آکھیا جو نیب ہک خود مختار ادارہ اے بھل ایکوں کارکردگی چنگی کرنڑی ہوسی، جیکر نیب احتساب نہ کریسی تاں سزائیں کیویں تھیسن، چور بچ ویسن، بدعنوان عناصر کوں تیزی نال انصاف دے کٹہرے اچ گھن آوڑاں ہوسی۔ انہاں آکھیا جو وزیراعظم ہاﺅس اچ اثاثیان دی وصولی دا یونٹ قائم کیتا گئے،پاکستانیاں دے بیرون ملک اثاثیاں دی پڑتال کیتے معلومات تئیں رسائی دے حصول سانگے چھوی ملکاں نال مفاہمت دی یادداشتاں تے دستخط کیتن، اج سوئٹزر لینڈ نال وی معاہدہ کیتا گئے،ہنر پتا لگے جو پاکستانیاں دے باہرو یارہاں ارب ڈالر پین بھل متحدہ امارات توں صرف اقامہ ہولڈر دیاں معلومات نئیں ملیا، اج پتا لگے جو اقامہ آخیر کیوں گھدا ویندے جتھاں پاکستانیاں نوں ارب ڈالر دیاںجائیداد مل گھدن۔وزیراعظم سو ڈینہہ دے اہداف پورے کرنڑ کیتے ساری وفاقی کابینہ، مختلف وزارتاں اتے خاص کر وزیراعلیٰ پنجاب سردار عثمان خان بزدار دی وی تعریف کیتی۔