اسلام آباد ۔ 24 جون (اے پی پی)قومی اسمبلی ہک مذہبی سکالر ولوں سوشل میڈیا تے سیدہ کائنات رضی اللہ تعالیٰ عنہا بارے نامناسب الفاظ دی مذمت کریندے ہوئے صحابہ کرام، اہل بیت ‘ ازواج مطہرات اتے عظیم ہستیاں بارے کہیں وی شکل اچ بے ادبی و گستاخی کوں قابل مذمت اتے ناقابل قبول قرار ڈتا گئے اتے ایں سانگے مقدس ہستیاں دی توہین بارے قوانین کوں بیا موثر بنراونڑ کیتے قرارداددی متفقہ منظوری ڈتی گئی اے۔قومی اسمبلی اچ پارلیمانی اموردے وزیرعلی محمدخان قواعدمعطل کرتے قرارداد پیش کرنڑ دی اجزت منگی جیندے تے پیپلزپارٹی دی شگفتہ جمانی اے قرارداد پیش کیتی۔قرارداد اچ آکھیا گئے جو اے ایوان بارگاہ ام السادات‘ مخدوم کائنات دختر مصطفی خاتم النبیین ‘ ام الحسنین کریمین‘ سیدہ طیبہ‘ طاہرہ‘ راضیہ مرضیہ‘ خیرالنساءسیدہ فاطمہ البتول الزہرہ رضی اللہ تعالیٰ عنہا وسلام اللہ علیہا دی بارگاہ عالی مرتبت اچ کروڑاں واری ہدیہ سلام عقیدت پیش کریندے۔ایوان اچ حضرت فاطمہ رضی اللہ تعالیٰ عنہا دی شان بارے مختلف احادیث دے وی حوالے ڈتے گین۔قرارداد اچ توہین دی مذمت کیتی گئی اتے ایکوں پوری امت دی دل آزاری گنڑیاگئے جو اے اسلامی تعلیمات دے منافی‘ قومی بیانیہ سنیھا پاکستان دے متفقہ اعلامیہ و فتویٰ دی سنگین خلاف ورزی اے جیندے تے سخت اقدامات دی لوڑھ اے،ایں سانگے اجوکے قوانین تے عملدرآمدسودھا انہاں قوانین اچ ترمیم کرتے انہاں کوں بیا سخت کیتا ونجے تاں جو اگو تے اینجھی حرکت کوئی نہ کرسگے۔ ایوان ایں قرارداد دی متفقہ منظوری ڈے ڈتی۔
قومی اسمبلی دی مذہبی سکالر ولوں سوشل میڈیا تے سیدہ کائنات رضی اللہ تعالیٰ عنہا بارے نامناسب الفاظ دی مذمت،مقدس ہستیاں دی توہین بارے قوانین کوں بیا موثر بنڑاونڑ کیتے قرارداددی متفقہ منظوری
مضمون کا ماخذ : را کی کتاب
متعلقہ مضامین
