اسلام آباد ۔ 8 جون (اے پی پی) وزیر خارجہ مخدوم شاہ محمود قریشی آکھیے جو پاکستان ہک زرعی ملک اے، کسان دی فلاح و بہبود اساڈی حکومت دی اولین ترجیحات اچ شامل اے، کساناں دی خوشحالی اساڈی معاشی ترقی کیتے ناگزیر اے۔ اے گال انہاں سنوار کوں کساناں دے اعلیٰ سطح دے وفد دی سربراہی کریندے ہوئیں مشیر خزانہ ڈاکٹر عبدالحفیظ شیخ نال ملاقات کریندے ہوئیں آکھی اے ۔ وفاقی وزیر نیشنل فوڈ سکیورٹی سیّد فخر امام، وفاقی وزیر ریونیو حماد اظہر، مشیرتجارت رزاق داود، پارلیمانی سیکرٹری فنانس زین قریشی تے بئے اہم پارلیمانی رہنما وی ایں موقع تے موجود ہن ۔ کسان رہنماواں لاک ڈاﺅن پاروں کساناں کوں مشکلات بارے شرکاءاجلاس کوں ڈسایا ۔ اجلاس اچ پارلیمانی کمیٹی دی تجویز اتے سیاسی قائدین دی صلاح تے گال مہاڑ کیتی گئی ۔مشیر خزانہ ڈاکٹر عبدالحفیظ شیخ کسان رہنماواں کوں آندے بجٹ اچ کساناں کیتے مجوزہ خصوصی ریلیف دی بابت بارے ڈسایا ۔ وزیر خارجہ آکھیے جو پاکستان ہک زرعی ملک اے کسان دی فلاح بہبود حکومت دی اولین ترجیح اے ، کساناں دی خوشحالی اساڈی معاشی ترقی کیتے ناگزیر اے۔ایں موقع تے کساناں دے مسئلیں کوں ترجیحی بنیاداں تے حل کرنڑ کیتے ہک خصوصی کمیٹی بنڑاونڑ دا فیصلہ کیتا گئے ۔
کسان دی فلاح و بہبود اساڈی حکومت دی اولین ترجیحات اچ شامل اتے معاشی ترقی کیتے ناگزیر دے وزیر خارجہ مخدوم شاہ محمود قریشی دی کساناں دے وفد دے رلے مشیر خزانہ ڈاکٹر عبدالحفیظ شیخ نال ملاقات دے دوران گال مہاڑ
مضمون کا ماخذ : میگا ملینز آن لائن ٹکٹ
متعلقہ مضامین
