اسلام آباد۔10مارچ (اے پی پی):صدر مملکت ڈاکٹر عارف علوی شہد دی پیداوار اتے برآمدات ودھاوݨ تے زور ݙیندے ہوئیں آکھیے جو وزارت تجارت اعلی معیار دے شہد دی عالمی منڈیاں اچ بھیڄݨ اتے مارکیٹنگ کیتے اقدامات کرے۔مگس باناں کوں سازگار ماحول ݙیوݨ کیتے اقدامات ضروری ہن ۔ اے ڳالھ انہاں بدھ کوں آل پاکستان مگس بانی ایسوسی ایشن دے وفد نال ملاقات کریندے آکھی اے ۔صدر مملکت ڈاکٹر عارف علوی آکھیے جو پاکستان اچ شہد دی پیداوار اتے برآمدات ودھاوݨ کیتے اقدامات دی لوڑھ اے ۔پاکستان دے اعلٰی معیار دے شہد کوں عالمی منڈیاں اچ بھیڄݨ تے مارکیٹنگ کیتے وزارت تجارت اقدمات کرے۔انہاں آکھیے جو پاکستان اچ اعلیٰ معیار دے شہد دی پیداوار دی ٻہوں صلاحیت اے ،مگس بانی دے شعبے نال جڑیے لوکاں دی جدید خطوط تے تربیت دی لوڑھ اے ۔ ،وفد صدر مملکت کوں مگس بانی دے شعبے کوں پیش آندے مسئلیں بارے ݙسایا ۔
