اسلام آباد ۔ 28 نومبر (اے پی پی) عمان دی رائل بحریہ دے سربراہ ریئر ایڈمرل عبد اللہ بن خامس بن عبدا للہ ال رئیسی ’ نیول ہیڈ کوارٹرزدادورہ کیتا اتے پاک بحریہ دے سربراہ ایڈمرل ظفر محمود عباسی نال ملاقا ت کیتی۔ پاک بحریہ دے چاق و چوبند دستے معزز مزمان کوں سلامی ڈتی۔سلامی دے بعد معزز مہمان دا نیول ہیڈ کوارٹرز اچ تعینات پرنسپل سٹاف آفیسرز نال تعارف کروایا گئیا۔بعد اچ انہاں پاک بحریہ دے سربراہ نال ملاقات کیتی۔ملاقات اچ پیشہ وارانہ معاملے ،ڈوپاسہ بحری سانجھ اتے ڈوہیں ملکاں دی بحری فوج اچ مختلف شعبیاں تے گالھ مہاڑ کیتی گئی۔پاک بحریہ دے سربراہ دہشت گردی دے خلاف جنگ اچ پاکستان دے عزم اتے کردار خصوصی طور کولیشن میری ٹائم کمپین پلان اتے بحری قزاقی دے بیخ کنی دے آپریشنز اچ شرکت تے روشنی پاتی۔معزز مزمان کوں کثیرالملکی ٹاسک فورسز150اتے151دی پاک بحریہ ولوں کئی واری کمانڈ بارے وی تفصیلی ڈسایا گئیا۔مزمان گرامی کوں خطے دی میری ٹائم صورت حال اتے خطے دی میر ی ٹائم سکیورٹی اچ پاک بحریہ دے کردار بارے تفصیلی بریفنگ ڈتی۔عمان دی رائل بحریہ دے سربراہ خطے اچ امن تے استحکام دے قیام سانگے پاک بحریہ دی خدمات اتے کردار کوں سراہیا۔
پاک بحریہ دے سربراہ ایڈمرل ظفر محمود عباسی نال عمان دی رائل بحریہ دے سربراہ دی ملاقات
مضمون کا ماخذ : لاٹری کی قانونی حیثیت
متعلقہ مضامین
