اسلام آباد ۔ 21 اگست (اے پی پی) وزارت موسمیاتی تبدیلی، قراقرم یونیورسٹی دے گانڈھے نال کلین گرین ہنزہ دے ناں توں ہک منصوبہ شروع کریسی جیندے اچ قراقرم یونیورسٹی دے ہنزہ کیمپس اچ مہینے ہک ڈینہہ صفائی ستھرائی دا ہوسی اتے اوں دینہہ چھٹی ہوسی بھل طلبہ اتے سٹاف سارا ڈینہہ شہر اتے کیمپس اچ صفائی مہم چلیسن بعد اچ اے منصوبہ پورے ملک اچ شروع کیتا ویسی۔منصوبے کیتے وزارت موسمیاتی تبدیلی صوبائی حکومتاں کوں قانون سازی اتے بیاں تکنیکی معاملات اچ ہتھ ونڈیسی۔اے فیصلہ وزیراعظم دے مشیر برائے موسمیاتی تبدیلی ملک امین اسلم دی قراقرم یونیورسٹی دے وائس چانسلر ڈاکٹر عطاءاﷲ شاہ نال ہک ملاقات اچ کیتا گئے۔وزیر یقین ڈیوائے جو او اے منصوبہ متعلقہ اداریاں توں منظور کروا تے آندے سال دے ترقیاتی پروگرام دا حصہ بنڑویسن۔
مضمون کا ماخذ : کمپیوٹر لاٹری کا ٹکٹ
