اسلام آباد ۔ 23 اکتوبر (اے پی پی) وفاقی وزیر ریلوے شیخ رشید احمد نال پرتگال دے سرمایہ کاراں اتے کاروباری شعبے متعلق لوکاں ملاقات کیتی جیں اچ انہاں پاکستان دے ریلوے دے ترقیاتی منصوبیں اچ سرمایہ کاری دی خواہش ظاہر کیتی تے ٹرانسفر آف ٹیکنالوجی دی پیشکش کیتی۔ پرتگالی سرمایہ کاراں آکھیے جو پاکستان دی معیشت تکھے ترقی کریندی پئی اے ،سرمایہ کاری دے شراکت داری دے موقعیں توںفائدہ چیسوں ۔وفاقی وزیر ریلوے شیخ رشید احمد پرتگالی سر مایہ کاراں کوں پاکستان ریلوے اچ جاری منصوبیں دا ڈسایا ۔انہاں آکھیے جو پاکستان ریلوے اوپن ٹیک ایکسیس پالیسی مرتب کیتی اے ۔ نجی شعبے کوں اپنڑاں رولنگ سٹاک گھن آونڑ تے خوش آمدید اکھیسوں۔ نجی شعبے اچ پرتگالی سرمایہ کاری دی حوصلہ افزائی کریسوں جیرھا جو ریلوے دا گھاٹا ختم کرنڑ اچ مدد ڈیسی ۔ شیخ رشید احمد آکھیا جو پاکستان ریلوے کراچی۔ پشاور مین لائن ون منصوبے تے تکھے عمل درآمد کریندا پئے ۔ ایم ایل ون منصوبے تے اگلے سال کم شروع تھی ویسی ۔ 1872 کلو میٹر کراچی اتے پشاور وچال نویں ٹریک نال ریلوے اچ انقلاب آسی۔ پرتگالی سرمایہ کاراں دی قیادت پروفیسر ڈاکٹر جوز کارلوس کریندے پن۔
وفاقی وزیر ریلوے شیخ رشید احمد نال پرتگال دے سرمایہ کاراںدی ملاقات، ترقیاتی منصوبیں اچ سرمایہ کاری دی خواہش دا اظہار
مضمون کا ماخذ : سکاراب ملکہ
متعلقہ مضامین
