اسلام آباد ۔ 7 اگست (اے پی پی)وزیراعظم دے معاون خصوصی احتساب شہزاد اکبر آکھیے جو چوہدری شوگر ملز شریف خاندان دی منی لانڈرنگ داگڑھ ہائی، قاضی فیملی دے ناں تے منی لانڈرنگ تھئی، انہاں دا کردار کھل تے سامنڑے نی آیا، مریم نواز 2008ءتوں2010ءدوران چوہدری شوگر ملز دی شیئر ہولڈر ہن، ناصر لوطا بیان حلفی ڈتے جو ایندا چوہدری شوگر ملز اچ کڈاہیں وی کوئی شیئر کائنی ہا، ناصر لوطا پراسیکیوشن دا گواہ بنڑ گئے۔ ایہ گالھیں شہزاد اکبربدھ کوں پریس انفارمیشن ڈیپارٹمنٹ اچ پریس کانفرنس کریندے ہوئیں آکھیا ں۔ انہاں آکھیا جو اساڈے معاشی حالات دی وجہ نال دشمن اج اساڈے خلاف اوچھی حر کتاں کر یندا پئے، ایں ویلھا کشمیر دا معاملہ وڈا اہم ہے لیکن بئے معاملات تے وی گالھ کرنڑ ضروری ہے۔ انہاں آکھیا جو 1991ءاچ شریف خاندان چوہدری شوگر ملز دے ناں تے کمپنی بنڑائی، ایندے کیتے غیر ملکی کمپنیاں توں15 ملین ڈالر دا قرضہ گھدا گیا، بحرین اچ قرض گھدا گیا اتے آف شور کمپنی دے ذریعے سبسڈی وی گھدی گی، غیر ملکی قرضہ مل دی مشینری خریدکرنڑ سانگے گھدا گیا، کمپنی دا قرضہ حالی تئیں ملیا ہی کائنی ہا جو شوگر مل بنڑ گی، آکھیا گیا جو جلدی ہائی ایں سانگے مشینری پہلے خرید کر گھدی۔ انہاں آکھیا جو سٹیٹ بینک تے پریشرپا تے غیر ملکی قرض چوہدری شوگر ملز دے اکاوئنٹ اچ پاتا گیااتے مل کو منی لانڈرنگ سانگے استعمال کیتا گیا ، 2008ءاچ سعید سیف بن جبار السوادی اتے شیخ ذکاءالدین مریم نواز کو ںچوہدری شوگر ملز دے شیئر ٹرانسفر کیتے، 2010ءاچ ایہ شیئر مریم نواز یوسف عباس شریف کوں منتقل کرڈتے، ول ایہ شیئر ناصر لوطا اتے ول حسین نواز کوں منتقل کرڈتے ویندن، حسین نواز مئی 2014ءاچ ایہ شیئر نواز شریف کوں منتقل کیتے،جڈاں جو نواز شریف 2016ءاچ یوسف عباس شریف اتے عبدالعزیز عباس شریف کو ںمنتقل کیتے۔ انہاں آکھیا جو ناصر لوطا یو اے ای اچ رئیل اسٹیٹ دا کاروبار کر یندے، ناصر لوطا مجسٹریٹ کوں بیان ڈتے جو2010ءاچ شریف فیملی دے لوگ میڈے کنوں آئے اتے سرمایہ کاری سانگے 5 لکھ ڈالر ڈتے، کجھ عرصے بعد شریف خاندان اپنڑیں سرمایہ کاری دی رقم واپس گھن گھدی، ناصر لوطا توں یوسف عباس دے اکاﺅنٹ اچ رقم ٹرانسفر کرائی گی۔ ناصر لوطا پاکستان آ تے تحقیقات اچ شامل تھی گن، ناصر لوطا پراسیکیوشن دا گواہ بنڑ گئے ، ناصر لوطا بیان حلفی ڈتے جو ایندا چوہدری شوگر ملز اچ کداہیں کوئی شئیر نی رہیا۔ انہاں آکھیا جو چوہدری شوگر ملز کیس اتے حدیبیہ پیپر ملز دا معاملہ مختلف ہے، چوہدری شوگر ملز اچ کڈاہیں وی ریفرنس فائل نی تھیا۔
چوہدری شوگر ملز شریف خاندان دی منی لانڈرنگ دا گڑھ ہائی، قاضی فیملی دے ناں تے منی لانڈرنگ تھئی، مریم نواز 2008ءتوں2010ءدوران چوہدری شوگر ملز دی شیئر ہولڈرہن، ناصر لوطا پراسیکیوشن دا گواہ بنڑ گئے ،معاون خصوصی احتساب شہزاد اکبر
مضمون کا ماخذ : مصری ڈریمز ڈیلکس
متعلقہ مضامین
