اسلام آباد ۔ 12 جون (اے پی پی) وزیر مملکت ریونیو حماد اظہر وفاقی بجٹ 2019-20ءکوں غریب دوست بجٹ قرار ڈیندے ہوئیں آکھیے جو بجٹ لوکاں دے دل جت گھدن۔ریڈیو پاکستان دے پروگرام اچ گال مہاڑ کریندے ہوئیں انہاں آندے مالی سال 2019-20ءدے بجٹ دی تعریف کریندے ہوئیں آکھیے جو ایندی بنیاد پاکستان تحریک انصاف دی حکومت دی دانشمندانہ اقتصادی پالیسیاں تے رکھی گئی اے ۔انہاں آکھیا حکومت خام مال اتے بئی مصنوعات تے ڈیوٹی اچ کمی کیتی اے جیرھا جو ہک مثبت عمل اے ،ایندے علاوہ اساں معیشت دے کئی شعبیں کوں ٹیکس دے دائرہ کار اچ وی گھن آسوں جیرھا جو پہلے ٹیکس دے دائرہ کار توں باہر ہن۔انہاں مزید آکھیا جو مختلف شعبیں تے سیلز ٹیکس دی ہکو شرح نافذ کیتی گئی اے ۔انہاں وضاحت کریندے ہوئیں آکھیے جو اساں کوشش کیتی اے جو امیر طبقے تے ٹیکس لاتا ونجے جڈاں جو ڈوجھے پاسے گھٹ آمدنی آلے طبقے کیتے تنخواہ ودھائی اے ۔انہاں آکھیے حکومت کراچی کیتے 9 ترقیاتی پیکیجز اتے 43ارب روپے دے فنڈز رکھین ۔وفاقی حکومت ایندے علاوہ کراچی اچ جاری کئی ترقی دے منصوبیں دی فنانسنگ کریسی۔
غریب دوست بجٹ لوکاں دے دل جت گھدن، وزیر مملکت ریونیو حماد اظہر
مضمون کا ماخذ : لافانی رومانس
متعلقہ مضامین
